പൊതു ഇടങ്ങളിൽ മാലിന്യം നിക്ഷേപിക്കുന്നവരെ വിടാതെ പിന്തുടർന്ന് വടക്കാഞ്ചേരി നഗരസഭ.
സ്വച്ഛ് സർവേക്ഷന്റെ ഭാഗമായി നഗരസഭയിലെ വിവിധ ഇടങ്ങളിൽ നഗരസഭ ആരോഗ്യ വിഭാഗം ഉദ്യോഗസ്ഥരുടെ നേതൃത്വത്തിൽ കർശനമായ പരിശോധന നടത്തിവരികയാണ്. ജലാശയങ്ങളിലും പൊതു ഇടങ്ങളിലും മാലിന്യങ്ങൾ വലിച്ചെറിക്കാതിരിക്കാൻ നഗരസഭയുടെ നേതൃത്വത്തിൽ നിരന്തരം ബോധവൽക്കരണവും നടത്തുന്നുണ്ട്.വരും ദിവസങ്ങളിലും പരിശോധന തുടരുമെന്നും പൊതുസ്ഥലത്ത് മാലിന്യം നിഷേപിക്കുന്നവർക്കെതിരെ കർശന നടപടി സ്വീകരിക്കുമെന്നും നഗരസഭ സെക്രട്ടറി കെ കെ മനോജ് അറിയിച്ചു.
ഭക്ഷണാവശിഷ്ടങ്ങൾ, ഉപയോഗിച്ച സാനിറ്ററി നാപ്കിൻ, പ്ലാസ്റ്റിക് കവറുകൾ, കടലാസുകൾ, എന്നിവയുൾപ്പെടുന്ന മാലിന്യങ്ങളാണ് റോഡരികിൽ നിന്നും കണ്ടെത്തിയത്. പ്ലാസ്റ്റിക് കവറുകൾ, കടലാസുകൾ എന്നിവ 60 രൂപ യൂസർഫി നൽകി ഹരിത കർമ്മസേനയ്ക്ക് കൈമാറാൻ നഗരസഭ സംവിധാനം ഒരുക്കിയട്ടുണ്ട്.ഇത് പ്രയോജനപ്പെടുത്താതെ റോഡരികിൽ മാലിന്യം നിക്ഷേപിച്ച് 5000 രൂപ പിഴ കൈപറ്റുന്ന രീതിയാണ് പലരും തുടരുന്നത്. ഇതൊഴിവാക്കി ഹരിതകർമ്മസേനയ്ക്ക് അജൈവ മാലിന്യങ്ങൾ കൃത്യമായി കൈമാറണമെന്ന് നഗരസഭാ സെക്രട്ടറി അറിയിച്ചു.ജൂനിയർ ഹെൽത്ത് ഇൻസ്പെക്ടർമാരായ ടി എസ് കിഷോർ, കെ പി ഗോകുൽ നഗരസഭാ ജീവനക്കാരായ കെ വി വിനോദ്, കെ പി ദീപക്, എം ബി രാഹുൽ തുടങ്ങിയവരടങ്ങുന്ന സംഘമാണ് മാലിന്യം കണ്ടെത്തിയത്.
എൻ മീഡിയ ഇപ്പോൾ വാട്സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ👇
https://chat.whatsapp.com/FX16iijLtA9FHNfxI9dYhG
അഭിപ്രായങ്ങള്‍
ഒരു അഭിപ്രായം പോസ്റ്റ് ചെയ്യൂ