വില്പനയ്ക്കായി കൊണ്ടുവന്ന സിന്തറ്റിക്ക് ഡ്രഗ്‌സ്സുമായി (MDMA) രണ്ടുപേർ ഈസ്റ്റ് പോലീസിന്റെ പിടിയിൽ.

തൃശൂർ:  റെയിൽവേ സ്റ്റേഷൻ പരിസരത്തുവച്ച് വില്പനയ്ക്കായി കൊണ്ടുവന്ന ഏകദേശം 45 ഗ്രാമോളം തൂക്കം വരുന്ന സിന്തറ്റിക് ഡ്രഗ് വിഭാഗത്തിൽപെട്ട MDMA യുമായി രണ്ടു പേരെ ഈസ്റ്റ് പോലീസ് പിടികൂടി. ഗുരുവായൂർ മമ്മിയൂർ തായ്ക്കണ്ടിപറമ്പിൽ വീട്ടിൽ മുഹമ്മദ് ഷാജിൽ ( 22), ഗുരുവായൂർ പാലുവായ് കൊങ്ങണം വീട്ടിൽ ഷെഹീർ (19) എന്നിവരെയാണ് തൃശൂർ ടൌൺ ഈസ്റ്റ് പോലീസ് സബ് ഇൻസ്പെക്ടർ ആൻറണി ക്രോംസൺ അരൂജയും സംഘവും ലഹരിവിരുദ്ധ  സ്ക്വാഡ് ഡാൻസാഫ് ടീം അംഗങ്ങളും ചേർന്ന് പിടികൂടിയത്. 

തൃശൂർ റെയിൽവേ സ്റ്റേഷൻ പരിസരത്ത് സംശയാസ്പദമായി  കണ്ട രണ്ടുപേരെ ഡാൻസാഫ് പോലീസ് ഉദ്യോഗസ്ഥൻ രഹസ്യമായി പിൻതുടർന്ന് സ്റ്റേഷൻ ഇൻസ്പെ്കടർ ജിജോ എം.ജെ യെ വിവരം അറിയിച്ചതിനെ തുടർന്നുള്ള അന്വേഷണത്തിലാണ് പ്രതികളെ പിടികൂടിയത്. പ്രതികൾക്ക് മറ്റുള്ളവരുമായുള്ള ബന്ധവും സംഘത്തിൽ കൂടുതൽ പേർ ഉണ്ടോ എന്നുമുള്ള അന്വേഷങ്ങൾ നടക്കുന്നുണ്ടെന്നും ഇൻസ്പെ്കടർ ജിജോ എം ജെ അറിയിച്ചു. ഒന്നാം പ്രതിയായ മുഹമ്മദ് ഷാജിൽ പാവറട്ടി, ചാവക്കാട് എന്നീ പോലീസ് സ്റ്റേഷനുകളിലെ കേസുകളിലെ പ്രതിയാണ്.

തൃശൂർ ഈസ്റ്റ് പോലീസ് സ്റ്റേഷൻ ഇൻസ്പെ്കടർ ജിജോ എം ജെ. സബ് ഇൻസ്പെക്ടർ ആൻറണി ക്രോംസൺ അരൂജ, അസിസ്റ്റൻറ് സബ് ഇൻസ്പെക്ടർ ദുർഗ്ഗ, സീനിയർ സിവിൽ പോലീസ് ഓഫീസർ സുജിത്ത്, സിവിൽ പോലീസ് ഓഫീസർ മനോജ്, എന്നിവരും ഡാൻസാഫ് അംഗങ്ങളായ സീനിയർ സിവിൽ പോലീസ് ഓഫീസർ രാഗേഷ്, ഷിഹാബുദ്ദീൻ, സുജിത് കുമാർ എന്നിവരാണ് അന്വേഷണ സംഘത്തിൽ ഉണ്ടായിരുന്നത്.

എൻ മീഡിയ ഇപ്പോൾ വാട്സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ👇

https://chat.whatsapp.com/FX16iijLtA9FHNfxI9dYhG