വടക്കാഞ്ചേരി മണ്ഡലം കോൺഗ്രസ് പ്രസിഡന്റ് ബിജു ഇസ്മായിലിനെ സസ്‌പെൻഡ് ചെയ്ത നടപടി പിൻവലിച്ചു.

വടക്കാഞ്ചേരി മണ്ഡലത്തിലെ ബ്ലോക്ക് - മണ്ഡലം പ്രസിഡന്റുമാർ, ഡിസിസി ഭാരവാഹികൾ, നിയോജകമണ്ഡലം ചുമതലയുള്ള പി.എ മാധവൻ Ex. MLA, ഡോ. നിജി ജസ്റ്റിൻ എന്നിവരുടെ യോഗം ഡിസിസി പ്രസിഡന്റ് വി.കെ ശ്രീകണ്ഠൻ എംപി വിളിച്ച് ചേർത്തിരുന്നു. ഈ യോഗത്തിലാണ് തീരുമാനം ഉണ്ടായത്. ഇതോടെ മണ്ഡലത്തിലെ വിഭാഗീയ പ്രവർത്തനങ്ങൾക്ക് അറുതിയായി. 

ബ്ലോക്ക്- മണ്ഡലം ഓഫീസുകൾ ഒരുമിച്ച് പ്രവർത്തിക്കുവാനും ധാരണയായി. വടക്കാഞ്ചേരി നഗരസഭയിലെ ദുർഭരണത്തിനെതിരെ കോൺഗ്രസ് ഒറ്റക്കെട്ടായി ശക്തമായ സമരങ്ങൾ സംഘടിപ്പിക്കാനും യോഗത്തിൽ തീരുമാനമായതായി ഡിസിസി ജനറൽ സെക്രട്ടറി കെ. ഗോപാലകൃഷ്ണൻ അറിയിച്ചു.

എൻ മീഡിയ ഇപ്പോൾ വാട്സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ👇

https://chat.whatsapp.com/FX16iijLtA9FHNfxI9dYhG