ചുമട്ടു തൊഴിലാളികളുടെ തൊഴിൽ സംരക്ഷണം ഉറപ്പുവരുത്തണം - എം.രാധാകൃഷ്ണൻ.
കേരളത്തിലെ ചുമട്ടു തൊഴിലാളികളുടെ തൊഴിൽ സംരക്ഷിക്കണമെന്നും , അവർക്ക് ജീവിക്കാനാവശ്യമായ ന്യായമായ വേതനം ഉറപ്പുവരുത്തണമെന്നും എ.ഐ.റ്റി.യു.സി.ജില്ലാ ജോയിന്റ് സെക്രട്ടറി എം.രാധാകൃഷ്ണൻ ആവശ്യപ്പെട്ടു. ചുമട്ടു തൊഴിലാളി യൂണിയൻ (എ.ഐ.റ്റി.യു.സി.) വടക്കാഞ്ചേരി മണ്ഡലം സമ്മേളനം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. കോർപ്പറേറ്റ് താൽപ്പര്യങ്ങൾക്കനുസരിച്ച് മാത്രം തയ്യാറാക്കപ്പെടുന്ന തൊഴിൽ നിയമങ്ങളിൽ പെട്ടും , പർവ്വതീകരിച്ച് പ്രചരിപ്പിക്കപ്പെടുന്ന നോക്കുകൂലി പോലുള്ള അപൂർവ സംഭവങ്ങളിൽ അപഹസിക്കപ്പെട്ടും കേരളത്തിലെ ചുമട്ടു തൊഴിലാളികൾ ദുരിതമനുഭവിക്കുകയാണ്. ഇവർ ചെയ്യുന്ന സാമൂഹ്യസേവനങ്ങളെയും അനുഭവിക്കുന്ന ദുരിതങ്ങളെയും എല്ലാം പൊതുജനങ്ങളും സർക്കാരും തിരിച്ചറിയണമെന്നും എം.രാധാകൃഷ്ണൻ തുടർന്നു പറഞ്ഞു.
എൻ മീഡിയ ഇപ്പോൾ വാട്സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ👇
അഭിപ്രായങ്ങള്‍
ഒരു അഭിപ്രായം പോസ്റ്റ് ചെയ്യൂ