പാർളിക്കാട് നടരാജഗിരി ബാലസുബ്രഹ്‌മണ്യ ക്ഷേത്രത്തിലെ നൂറാം പ്രതിഷ്‌ഠാദിന ഉത്സവം ആറാട്ടോടെ സമാപിച്ചു.

വടക്കാഞ്ചേരി : ശ്രീനാരായണ ഗുരുദേവൻ സ്ഥാപിച്ച പാർളിക്കാട് നടരാജഗിരി ബാലസുബ്രഹ്‌മണ്യ ക്ഷേത്രത്തിലെ നൂറാം പ്രതിഷ്‌ഠാദിന ഉത്സവം ആറാട്ടോടെ സമാപിച്ചു. തലപ്പിള്ളി താലൂക്ക് എസ്.എൻ.ഡി.പി യൂണിയനായിരുന്നു ആഘോഷ പരിപാടികൾക്ക് നേതൃത്വം നൽകിയത്.

പാർളിക്കാട് പടിഞ്ഞാറ്റുമുറി, ചെയിൻസ് പാർളിക്കാട്, മിണാലൂർ വടക്കേകര, റെഡ്സ്റ്റാർ മിണാലൂർ, യുവധാര പാർളിക്കാട്, മിണാലൂർ ബൈപാസ്, പുഞ്ചിരി മിണാലൂർ, പാർളിക്കാട് പാലം തെക്കേകര എന്നീ കാവടി സംഘങ്ങൾ പ്രതിഷ്ഠാദിനത്തിൽ ക്ഷേത്രത്തിലെത്തി അഭിഷേകം നടത്തി. കുറ്റിയങ്കാവ് ക്ഷേത്രക്കുളത്തിലെ ആറാട്ടിനുശേഷം പാണ്ടിമേളത്തോടുകൂടി തിരിച്ചെഴുന്നള്ളിപ്പ് നടന്നു.