🌏വടക്കാഞ്ചേരി നഗരസഭ വർക്കിംഗ്‌ ഗ്രൂപ്പ്‌ യോഗം വടക്കാഞ്ചേരി ജയശ്രീ ഹാളിൽ ചേർന്നു. 🌏

വടക്കാഞ്ചേരി നഗരസഭ പതിനാലാം പഞ്ചവത്സര പദ്ധതി 2026-27 സാമ്പത്തിക വർഷത്തെ പദ്ധതി രൂപീകരണവുമായി ബന്ധപ്പെട്ട വർക്കിംഗ്‌ ഗ്രൂപ്പ്‌ യോഗം  വടക്കാഞ്ചേരി ജയശ്രീ ഹാളിൽ ചേർന്നു.  വികസനകാര്യ സ്റ്റാൻഡിങ് കമ്മിറ്റി ചെയർപേഴ്സൺ ഷീല മോഹൻ ഒ. ആർ സ്വാഗതം പറഞ്ഞു.  നഗരസഭ വൈസ് ചെയർമാൻ പി. എൻ. സുരേന്ദ്രൻ അധ്യക്ഷത വഹിച്ചു. നഗരസഭ ചെയർപേഴ്സൺ മിനി അരവിന്ദൻ ഉദ്ഘാടനം നിർവഹിച്ചു. ഓരോ വർക്കിംഗ്‌ ഗ്രൂപ്പും ഗ്രൂപ്പ്‌ തിരിഞ്ഞ് ചർച്ചകൾ നടത്തി. ഗ്രൂപ്പിൽ നിന്നും ഉയർന്നു വന്ന ചർച്ചകൾ ക്രോഡീകരിച്ച് കൺവീനർമാർ പൊതു അവതരണം നടത്തി.

സ്റ്റാൻഡിങ് കമ്മിറ്റി ചെയർമാൻമാരായ കെ. പി. മദനൻ, സ്വപ്ന ശശി, സനീഷ് പി. ജി, കൗൺസിലർമാർ, ആസൂത്രണസമിതി ഉപാധ്യക്ഷൻ എൻ. കെ. പ്രമോദ്കുമാർ, വർക്കിംഗ്‌ ഗ്രൂപ്പ്‌ കൺവീനർമാർ, നിർവഹണ ഉദ്യോഗസ്ഥർ, വർക്കിംഗ്‌ ഗ്രൂപ്പ്‌ അംഗങ്ങൾ, CDS ചെയർപേഴ്സൺമാർ, കുടുംബശ്രീ പ്രവർത്തകർ, ആരോഗ്യവിഭാഗം ജീവനക്കാർ, അംഗൻവാടി ജീവനക്കാർ, അയ്യങ്കാളി തൊഴിലുറപ്പുകാർ തുടങ്ങിയവർ പങ്കെടുത്തു. നഗരസഭ സെക്രട്ടറി കെ. ബി. വിശ്വനാഥൻ നന്ദി പറഞ്ഞു.