മുള്ളൂർക്കര: മുള്ളൂർക്കര റെയിഞ്ചിലെ 23 മദ്റസകളിൽ നിന്ന് മികച്ച മദ്റസയായി മുള്ളൂർക്കര നുസ്രത്തുൽ ഇസ്‌ലാം മദ്റസ തെരഞ്ഞെടുക്കപ്പെട്ടു. പാഠ്യപദ്ധതി, പാഠ്യേതര പ്രവർത്തനങ്ങൾ, സൗകര്യങ്ങൾ എന്നീ മേഖലകളിലെ മികച്ച പ്രകടനമാണ് ഈ അംഗീകാരത്തിന് കാരണം. മദ്റസയിൽ നടന്ന ചടങ്ങിൽ സയ്യിദ് എം.പി. കുഞ്ഞിക്കോയ തങ്ങൾ സ്വദ് ഉസ്താദ്, അഷ്‌റഫ് ദാരിമി, മദ്റസ ഡെപ്യൂട്ടി ലീഡർമാർ എന്നിവർക്ക് പുരസ്കാരം കൈമാറി. SKIMVB മുഫത്തിഷ് ഷംസുദ്ധീൻ ദാരിമി, ജമാഅത്ത് സെക്രട്ടറി, ഖജാഞ്ചി, കമ്മറ്റി അംഗങ്ങൾ, മഹല്ല് യൂത്ത് ഫെഡറേഷൻ പ്രസിഡൻ്റ്, ഉസ്താദുമാർ, രക്ഷിതാക്കൾ, വിദ്യാർത്ഥികൾ എന്നിവർ ചടങ്ങിൽ പങ്കെടുത്തു. അക്കാദമിക വൈദഗ്ദ്യമുള്ള ജൂറി നടത്തിയ സമഗ്രമായ വിലയിരുത്തലിനെ തുടർന്നാണ് മദ്റസയ്ക്ക് ഈ അംഗീകാരം ലഭിച്ചത്. പാഠ്യപദ്ധതിയിലെ മികവ്, വിവിധ പാഠ്യേതര പ്രവർത്തനങ്ങൾ, മികച്ച അടിസ്ഥാന സൗകര്യങ്ങൾ എന്നിവയെല്ലാം ജൂറിയെ ആകർഷിച്ചു.ഈ നേട്ടം മദ്റസയുടെ അധ്യാപകർ, വിദ്യാർത്ഥികൾ, രക്ഷിതാക്കൾ എന്നിവരുടെ സംയുക്തമായ പ്രയത്നത്തിന്റെ ഫലമാണ്.
https://chat.whatsapp.com/FX16iijLtA9FHNfxI9dYhG
.jpg)
0 അഭിപ്രായങ്ങള്‍