അരിമ്പൂർ : എറവ് ആറാംകല്ലിൽ എച്ച് 1 എൻ 1 ബാധിച്ച സ്ത്രീ മരിച്ചു. കണ്ടംകുളത്തി ഫെർഡിനാന്റ് ഭാര്യ മീന ( 62 ) യാണ് മരിച്ചത്. ബുധനാഴച്ച ഉച്ചതിരിഞ്ഞ് തൃശൂർ ജൂബിലി മിഷൻ ആശുപത്രിയിലായിരുന്നു അന്ത്യം. ബന്ധുവിൻ്റെ വിവാഹ ചടങ്ങിൽ പങ്കെടുക്കാൻ കഴിഞ്ഞയാഴ്ച്ച ബാംഗ്ലൂരിൽ മകളുടെ അടുത്ത് പോയി നാലു ദിവസത്തിന് ശേഷം നാട്ടിലേക്ക് മടങ്ങുന്നതിനിടെ മീനക്ക് പനി ആരംഭിച്ചിരുന്നു. തുടർന്ന് തൃശ്ശൂർ ജൂബിലി മിഷൻ ആശുപത്രിയിൽ പ്രവേശിപ്പിക്കുകയായിരുന്നു. മൂന്നാം ദിവസമാണ് മീന മരണപ്പെടുന്നത്.
മീനയുടെ സംസ്കാരം ഇന്ന് രാവിലെ 11 മണിക്ക് എറവ് കപ്പൽ പള്ളിയിൽ നടന്നു. ഭർത്താവ്: ഫെർഡിനാൻ്റ്. മക്കൾ: വിനസ്സ്, ബോബി. മരുമക്കൾ: നൈജോ, ജിത്തു.മതാചാര പ്രകാരം മൃതദേഹം മറവ് ചെയ്യും. മൃതദേഹവുമായി ആളുകൾ സമ്പർക്കം പുലർത്തരുതെന്ന് അരിമ്പൂർ പ്രാഥമികാരോഗ്യ കേന്ദ്രം ഹെൽത്ത് ഇൻസ്പെക്ടർ സരേഷ് ശങ്കർ അറിയിച്ചു. മരിച്ച മീനയുമായി സമ്പർക്കമുള്ള ആളുകളുടെ പട്ടിക തയ്യാറാക്കാൻ ആശാവർക്കർമാരെ ഏൽപ്പിച്ചതായും അദ്ദേഹം പറഞ്ഞു.
എൻ മീഡിയ ഇപ്പോൾ വാട്സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ👇
https://chat.whatsapp.com/FX16iijLtA9FHNfxI9dYhG
.jpg)
0 അഭിപ്രായങ്ങള്‍