ഒരു മാസക്കാലം നീണ്ട പരീക്ഷ ചൂടിന് ഇന്ന് വിരാമമാകും. ഇന്ന് ഒമ്പതാം ക്ലാസ് വിദ്യാർത്ഥികള്‍ക്കുള്ള ബയോളജി പരീക്ഷയാണ് നടക്കുന്നത്.
ഈ പരീക്ഷ പൂർത്തിയാകുന്നതോടെ മധ്യവേനലവധിക്കായി സ്കൂളുകള്‍ ഇന്ന് അടയ്ക്കും. സംസ്ഥാനത്തെ വിദ്യാലയങ്ങള്‍ക്ക് 2 മാസമാണ് മധ്യവേനലവധി നല്‍കുന്നത്. മറ്റ് ക്ലാസുകളിലെ പരീക്ഷകളെല്ലാം ഇതിനോടകം പൂർത്തിയായിട്ടുണ്ട്. അവധിക്കാലം കഴിഞ്ഞ് ജൂണ്‍ 3ന് പുതിയ അധ്യായന വർഷം ആരംഭിക്കുന്നതാണ്.
രണ്ടാം വർഷ ഹയർ സെക്കൻഡറി, വൊക്കേഷണല്‍ ഹയർ സെക്കൻഡറി പരീക്ഷകള്‍ ഇന്നലെയാണ് പൂർത്തിയായത്. ഈ പരീക്ഷകളുടെ മൂല്യനിർണയം ഏപ്രില്‍ മൂന്ന് മുതല്‍ ആരംഭിക്കും. ഹയർസെക്കൻഡറിയില്‍ 77 ക്യാമ്പുകളിലായി 25,000 അധ്യാപകരാണ് മൂല്യനിർണയത്തില്‍ പങ്കെടുക്കുക. അതേസമയം, വൊക്കേഷൻ ഹയർ സെക്കൻഡറിയുടെ മൂല്യ നിർണയത്തില്‍ 8 ക്യാമ്പുകളിലായി 2,200 അധ്യാപകർ പങ്കെടുക്കുന്നതാണ്.
എൻ മീഡിയ ഇപ്പോൾ വാട്സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ👇
അഭിപ്രായങ്ങള്‍
ഒരു അഭിപ്രായം പോസ്റ്റ് ചെയ്യൂ