ലോക്സ‌ഭ തിരഞ്ഞെടുപ്പിന്റെ തിയതി നാളെ ഉച്ചകഴിഞ്ഞ് മൂന്നുമണിയോടെ പ്രഖ്യാപിക്കും.

 തിയതികൾ സംബന്ധിച്ച തീരുമാനം തിരഞ്ഞെടുപ്പ് കമ്മിറ്റി കൈക്കൊണ്ടതിന് പിന്നാലെയാണ് ഇക്കാര്യമറിയിച്ചത്.  പുതിയതായി തിരഞ്ഞെടുക്കപ്പെട്ട തിരഞ്ഞെടുപ്പ് കമ്മിഷണർമാരായ ഗ്യാനേഷ് കുമാറും സുഖ്ബീർ സിങ് സന്ധുവും കൂടി പങ്കെടുത്ത യോഗത്തിലാണ് തീരുമാനം.  ഇന്ന് രാവിലെയാണ് ഇരുവരും ചുമതലയേറ്റത്.

 ആന്ധ്ര, അരുണാചൽ, സിക്കിം, ഒഡീഷ നിയമസഭാ തിരഞ്ഞെടുപ്പുകളും ഇതോടൊപ്പം പ്രഖ്യാപിക്കും.മേയിൽ അവസാനിച്ച് ജൂണിൽ പുതിയ സർക്കാർ അധികാരമേൽക്കുന്ന തരത്തിലാകും തിരഞ്ഞെടുപ്പ് നടപടിക്രമങ്ങളെന്നാണ് സൂചന.  ഏഴ് ഘട്ടങ്ങളായാണ് 2019 ലെ ലോക്സഭാ തിരഞ്ഞെടുപ്പ് നടന്നത്. 96 കോടി 88 ലക്ഷം വോട്ടർമാരാണ് രാജ്യത്ത് ഇക്കുറി വോട്ടവകാശം രേഖപ്പെടുത്തുക.

എൻ മീഡിയ ഇപ്പോൾ വാട്സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ👇

https://chat.whatsapp.com/FX16iijLtA9FHNfxI9dYhG