ഒരു വര്ഷത്തെ വൈദ്യുതി ബില് മുന്കൂറായി അടച്ചാല് ഇളവുകളെന്ന വാഗ്ദാനവുമായി വൈദ്യുതി വകുപ്പ്. സാമ്പത്തിക പ്രതിസന്ധി നേരിടുന്ന വൈദ്യുതി ബോര്ഡിന് അടിയന്തരമായി പണം ആവശ്യമുള്ള സാഹചര്യത്തിലാണ് ഇത്തരത്തിലുള്ള നീക്കം. ഇതിനുള്ള സ്കീം തയ്യാറാക്കുന്നതിനായി സര്ക്കാര് അനുവാദം നല്കി.
സര്ക്കാര് സ്ഥാപനങ്ങളുടെ കുടിശ്ശിക ഉടനെ കിട്ടാനുള്ള സാധ്യതയില്ല. ഈ സാഹചര്യത്തിലാണ് കൂടുതല് പലിശ വാഗ്ദാനം ചെയ്ത് ഉപഭോക്താക്കളില് നിന്ന് മുന്കൂറായി പണം സമാഹരിക്കാന് ബോര്ഡ് ശ്രമിക്കുന്നത്. വൈദ്യുതി മേഖലയിലെയും ബോര്ഡിന്റെയും പ്രശ്നങ്ങള് വിലയിരുത്തുന്നതിനായി മുഖ്യമന്ത്രി വിളിച്ച ഉന്നതതല യോഗത്തിലാണ് ബോര്ഡ് ഈ നിര്ദേശം മുന്നോട്ട് വെച്ചത്.
.jpg)
0 അഭിപ്രായങ്ങള്