കേരളത്തിൽ തദ്ദേശ തിരഞ്ഞെടുപ്പ് പ്രഖ്യാപിച്ചു: ഡിസംബർ 9, 11 തീയതികളിൽ രണ്ടു ഘട്ടങ്ങളിലായാണ്പോളിംഗ് നടക്കുക, തൃശ്ശൂരിൽ 11 നാണ് പോളിങ്ങ്; വോട്ടെണ്ണൽ 13-നും നടക്കും

സംസ്ഥാനത്തെ തദ്ദേശ സ്വയംഭരണ സ്ഥാപനങ്ങളിലേക്കുള്ള പൊതുതിരഞ്ഞെടുപ്പ് പ്രഖ്യാപിച്ചു. സംസ്ഥാന തിരഞ്ഞെടുപ്പ് കമ്മിഷണർ ഉച്ചയ്ക്ക് 12 മണിക്ക് വിളിച്ചുചേർത്ത വാർത്താ സമ്മേളനത്തിലാണ് തീയതികൾ പ്രഖ്യാപിച്ചത്. ഡിസംബർ 9, 11 തീയതികളിലായി രണ്ടു ഘട്ടങ്ങളിലായാണ് ഇത്തവണ പോളിങ് നടക്കുക. തൃശ്ശൂർ ജില്ലയിൽ ഡിസംബർ 11-നാണ് വോട്ടെടുപ്പ്. ഡിസംബർ 13-ന് വോട്ടെണ്ണൽ നടക്കും. തിരഞ്ഞെടുപ്പ് വിജ്ഞാപനം വന്നതോടെ രാഷ്ട്രീയ പാർട്ടികൾ  തദ്ദേശ സ്ഥാപനങ്ങളിൽ സീറ്റ് വിഭജന ചർച്ചകളും സ്ഥാനാർഥി നിർണ്ണയ നടപടികളും തീവ്രമാക്കി. നിലവിലുള്ള സീറ്റുകൾ നിലനിർത്താനും പുതിയ വാർഡുകളിൽ അട്ടിമറി വിജയം നേടാനുമുള്ള ലക്ഷ്യത്തോടെയാണ് മുന്നണികൾ നീങ്ങുന്നത്. നിലവിൽ 941 ഗ്രാമപഞ്ചായത്തുകൾ ഉൾപ്പെടെയുള്ള തദ്ദേശ സ്ഥാപനങ്ങളിലെ ഭൂരിപക്ഷം എൽഡിഎഫിനാണ്.