പ്രത്യേക തീവ്ര വോട്ടർപട്ടിക പുതുക്കലിന്റെ ഭാഗമായ എന്യൂമറേഷൻ ഫോമിൻ്റെ വിതരണം ജില്ലയിൽ 44.39% പൂർത്തിയായതായി ജില്ലാ കളക്ടർ.

പ്രത്യേക തീവ്ര വോട്ടർപട്ടിക പുതുക്കലിന്റെ ഭാഗമായ എന്യൂമറേഷൻ ഫോമിൻ്റെ വിതരണം ജില്ലയിൽ 44.39% പൂർത്തിയായതായി ജില്ലാ കളക്ടർ.

ബൂത്ത് ലെവൽ ഓഫീസർമാർ വീടുതോറും സന്ദർശനം നടത്തിയാണ് വോട്ടർമാർക്ക് എന്യൂമറേഷൻ ഫോം കൈമാറുന്നത്. ജില്ലയിലെ ആകെ 26,50,163 വോട്ടർമാർക്കായി 26,50,163 എന്യൂമറേഷൻ ഫോം പ്രിൻ്റ് ചെയ്തിട്ടുണ്ട്. അതിൽ 1176296 ഫോമുകളുടെ വിതരണം പൂർത്തിയാക്കി. വിവിധ നിയോജകമണ്ഡലങ്ങളിലായി 11 ബി എൽ ഒ മാർ ഇന്നലെ 100% എന്യൂമറേഷൻ ഫോമുകളുടെ വിതരണം പൂർത്തിയാക്കി. ജില്ലയിലെ എല്ലാ ബൂത്തുകളിലും വിതരണം ദ്രുതഗതിയിൽ പുരോഗമിക്കുകയാണ്. ജില്ലാ തിരഞ്ഞെടുപ്പ് ഉദ്യോഗസ്ഥനായ ജില്ലാ കളക്ടർ, ഇലക്ടറൽ രജിസ്ട്രേഷൻ ഓഫീസർമാർ, ബി എൽ ഒ സൂപ്പർവൈസർമാർ എന്നിവർ ജില്ലയിലെ വിവിധ ബൂത്തുകളിൽ ബി എൽ ഒ മാർക്ക്  ഒപ്പം ചേർന്നു ഫോം വിതരണം നടത്തി. ജനങ്ങളുടെ ഭാഗത്ത് നിന്ന് മികച്ച പ്രതികരണമാണ് ബി എൽ ഒ മാർക്ക് ലഭിക്കുന്നത്. യോഗ്യരായ എല്ലാവരേയും വോട്ടർപട്ടികയിൽ ഉൾപ്പെടുത്തുക. അയോഗ്യരായ എല്ലാവരേയും വോട്ടർപട്ടികയിൽ നിന്ന് ഒഴിവാക്കുക എന്ന ലക്ഷ്യത്തോടെയാണ് തിരഞ്ഞെടുപ്പ് കമ്മീഷൻ തീവ്ര വോട്ടർപട്ടിക പുതുക്കൽ നടപടി സ്വീകരിച്ച് വരുന്നത്.