ട്രെയിനില്‍ എസ്‌ഐ വേഷത്തില്‍ യാത്ര നടത്തിയ യുവാവ് അറസ്റ്റില്‍.

 തിരുവനന്തപുരം സ്വദേശി അഖിലേഷിനെ (30) ആണ് റെയില്‍വെ പൊലീസ് പിടികൂടിയത്. തിരുവനന്തപുരം - ഗുരുവായൂർ ചെന്നൈ എഗ്മോർ ട്രെയിനില്‍ ഇന്നലെ പുലർച്ചയാണ് സംഭവം.

ട്രെയിൻ കായംകുളം സ്റ്റേഷൻ വിട്ടപ്പോള്‍ ട്രെയിനില്‍ പരിശോധന നടത്തിയ റെയില്‍വേ പൊലീസ് സംഘം യൂണിഫോമില്‍ കണ്ടയാളെ സല്യൂട്ട് ചെയ്തപ്പോള്‍ തിരിച്ചുണ്ടായ പ്രതികരണത്തില്‍ തോന്നിയ സംശയമാണ് പിടികൂടാൻ കാരണം. ചോദ്യംചെയ്തപ്പോള്‍ തൃശൂരിലേക്ക് പോകുകയാണെന്നും ഇരിങ്ങാലക്കുട സ്റ്റേഷനിലെ എസ് ഐയാണെന്നും പറഞ്ഞു. തൊപ്പിയടക്കമുള്ള വേഷത്തിനൊപ്പം പൊലീസിന്റെ ഔദ്യോഗിക ചിഹ്നവുമുണ്ടായിരുന്നു. യൂണിഫോമില്‍ പേരുമുണ്ടായിരുന്നു.

അന്വേഷണത്തില്‍ ഇത് കളവാണെന്ന് തിരിച്ചറിഞ്ഞതോടെ ആലപ്പുഴ റെയില്‍വേ പൊലീസ് സ്റ്റേഷനിലേക്ക് എത്തിച്ചു. തുടർന്ന് എസ്‌ഐ കെ. ബിജോയ് കുമാറിന്റെ നേതൃത്വത്തില്‍ വിശദമായി ചോദ്യം ചെയ്തപ്പോഴാണ് തൃശൂരില്‍ പിഎസ്‍സി പരീക്ഷയെഴുതാൻ പോയതാണെന്ന് സമ്മതിച്ചത്. ചെറുപ്പം മുതല്‍ പൊലീസില്‍ ചേരാനുള്ള ആഗ്രഹമുണ്ടായിരുന്നു. ഇതിനായി ടെസ്റ്റ് എഴുതിയെങ്കിലും പാസായില്ല. അത് സഫലമാക്കാനാണ് പൊലീസ് വേഷം ധരിച്ച്‌ ട്രെയിനില്‍ യാത്ര ചെയ്തതെന്നാണ് പറഞ്ഞത്. അതേസമയം യൂണിഫോം ദുരുപയോഗം നടത്തിയോ എന്നതടക്കമുള്ള കാര്യത്തില്‍ കൂടുതല്‍ അന്വേഷണം നടത്തുമെന്ന് റെയില്‍വേ പൊലീസ് പറഞ്ഞു. പൊലീസിന്റെ ഔദ്യോഗിക ചിഹ്നവും വേഷവും ധരിച്ച്‌ മറ്റ് കാര്യങ്ങള്‍ക്ക് ഉപയോഗിച്ചുവെന്ന കുറ്റങ്ങള്‍ ചുമത്തിയാണ് കേസെടുത്തത്.

എൻ മീഡിയ ഇപ്പോൾ വാട്സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ👇

https://chat.whatsapp.com/FX16iijLtA9FHNfxI9dYhG

#MalayalamNews #MalayalamLatestNews #KeralaNews #Thrissurnews #Wadakkancherynews #Malayalamnewslive #Malayalamlivenews #Latestmalayalamnews #Breakingnews #Breakingnewskerala #Breakingnewslive

#Nonlinemedia