തൃശൂര്‍ പീച്ചിയില്‍ വീട്ടുമുറ്റത്തെ കിണറ്റില്‍ അജ്ഞാതര്‍ വിഷം കലര്‍ത്തി. വെള്ളം കുടിച്ച അമ്മയേയും മകളേയും തൃശൂര്‍ മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. ഇരുവരുടേയും ആരോഗ്യനില തൃപ്തികരമാണ്. പീച്ചി തെക്കേക്കുളം സ്വദേശി ഷാജിയുടെ വീട്ടുകിണറ്റിലാണ് വിഷം കലര്‍ത്തിയത്. വെള്ളത്തില്‍ വിഷത്തിന്റെ അംശമുള്ളതായി വീട്ടുടമ പരാതി നല്‍കി.
പ്രത്യേക മണവും വെള്ളത്തിന്റെ മുകളില്‍ പാടയും കെട്ടിക്കിടക്കുന്നുണ്ട്. പാണഞ്ചേരി പഞ്ചായത്തിലെ ആശാപ്രവര്‍ത്തക സന്ധ്യയേയും മകള്‍ ആന്‍മേരിയേയും ആരോഗ്യപ്രശ്നങ്ങള്‍ കാരണം ഗവണ്‍മെന്റ് മെഡിക്കല്‍ കോളജ് ആശുപത്രിയിലേക്ക് മാറ്റി. തുടര്‍ച്ചയായ ഛര്‍ദ്ദിമൂലമാണ് ഇരുവരേയും ആശുപത്രിയിലേക്ക് മാറ്റിയത്. സംഭവചത്തില്‍ പീച്ചി പൊലീസ് അന്വേഷണം തുടരുകയാണ്. നാട്ടുകാരും ഇതേ കിണറ്റിൽ നിന്ന് വെള്ളം ഉപയോഗിക്കാറുണ്ട്. ആരോഗ്യ പ്രശ്നങ്ങള്‍ ഉള്ളവര്‍ അറിയിക്കാന്‍ പൊലീസ് നിര്‍ദ്ദേശം നല്‍കിയിട്ടുണ്ട്.
എൻ മീഡിയ ഇപ്പോൾ വാട്സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ👇
https://chat.whatsapp.com/FX16iijLtA9FHNfxI9dYhG
.jpg)
0 അഭിപ്രായങ്ങള്‍