🟣 നാടിനെ ഇരുട്ടിലാക്കുന്ന യു ഡി എഫ് നയത്തിനെതിരെ സിപിഐ എം പ്രതിഷേധ വെളിച്ചം സംഘടിപ്പിച്ചു.🟣

നാടിനെ ഇരുട്ടിലാക്കുന്ന യു ഡി എഫ് നയത്തിനെതിരെ സിപിഐ എം പ്രതിഷേധ വെളിച്ചം.

വൈദ്യുതി മേഖലയിലെ പ്രതിസന്ധി പരിഹരിക്കാതെ കേരളത്തെ ഇരുട്ടിലാക്കുന്ന യു ഡി എഫ് സർക്കാരിന്റെ ജനവിരുദ്ധ നയത്തിനെതിരെ സിപിഐ എം ഓട്ടുപാറ ലോക്കൽ കമ്മിറ്റി പ്രതിഷേധിച്ചു. എങ്കക്കാട് ഉങ്ങുംതറ സെന്ററിൽ മെഴുകുതിരികൾ കത്തിച്ചു കൊണ്ട് നടത്തിയ 'പ്രതിഷേധ വെളിച്ചം' പരിപാടി വടക്കാഞ്ചേരി നഗരസഭ ചെയർപേഴ്സണും സിപിഐ എം ഏരിയ കമ്മിറ്റി അംഗവുമായ മിനി അരവിന്ദൻ ഉദ്ഘാടനം ചെയ്തു. സിപിഐ എം ലോക്കൽ കമ്മിറ്റി അംഗം വി. എ. സുരേഷ് അധ്യക്ഷത വഹിച്ചു. സിപിഐ എം ഏരിയ കമ്മിറ്റി അംഗവും ഓട്ടുപാറ ലോക്കൽ കമ്മിറ്റി സെക്രട്ടറിയുമായ എം. ജെ. ബിനോയ്, നഗരസഭ കൗൺസിലർ എസ്. രാമചന്ദ്രൻ (ഉണ്ണി), ലോക്കൽ കമ്മിറ്റി അംഗം കെ. യു. പ്രദീപ് തുടങ്ങിയവർ പ്രതിഷേധ പരിപാടിയിൽ സംസാരിച്ചു. സിപിഐ എം ലോക്കൽ കമ്മിറ്റി അംഗം മിഥുൻ സജീവ് സ്വാഗതവും, എങ്കക്കാട് നോർത്ത് ബ്രാഞ്ച് സെക്രട്ടറി ഓ. രാജൻ നന്ദിയും പറഞ്ഞു.