🟣 വടക്കാഞ്ചേരി ജില്ലാ ആശുപത്രി നിലവാരത്തിലുള്ള സംവിധാനങ്ങൾ ഏർപ്പെടുത്തണം: ബി. എം. എസ് 🟣

വടക്കാഞ്ചേരി ജില്ലാ ആശുപത്രി നിലവാരത്തിലുള്ള സംവിധാനങ്ങൾ ഏർപ്പെടുത്തണം: ബി. എം. എസ്.

പ്രതിദിനം 1500 ഓളം രോഗികൾ ചികിത്സയ്ക്ക് വരുന്ന വടക്കാഞ്ചേരി ജില്ലാ ആശുപത്രിയിൽ അടിസ്ഥാന സൗകര്യങ്ങളുടെ അഭാവവും, കാലപ്പഴക്കം ചെന്ന പരിശോധന യന്ത്രങ്ങളും മൂലം രോഗികൾ ദുരിതത്തിലാണ്. പഴയന്നൂർ, ചേലക്കര, ദേശമംഗലം, എരുമപ്പെട്ടി ഉൾപ്പെടെ ദൂര പഞ്ചായത്തുകളിൽ നിന്ന് വരുന്നവരിൽ ഭൂരിഭാഗവും നിർദ്ധനരായ രോഗികൾ ആണ്. സർജറി വാർഡ് മഴ പെയ്താൽ ചോരുന്ന അവസ്ഥയാണ്. 30ഓളം രോഗികളാണ് ഇവിടെ സർജറി കഴിഞ്ഞു കിടക്കുന്നത്. അത്യാഹിത വിഭാഗം 24 മണിക്കൂറും പ്രവർത്തിയ്ക്കണമെന്നും, രാഷ്ട്രീയം നോക്കാതെ ഭരണ കർത്താക്കൾ വിഷയങ്ങളിൽ ഇടപെട്ടു പരിഹാരം കാണണമെന്നും ബി. എം. എസ് തൃശ്ശൂർ ജില്ലാ സെക്രട്ടറി സേതു തിരുവെങ്കിടം ആവശ്യപ്പെട്ടു.

2026 ജൂലൈ 26 ഞായർ രാവിലെ 11 മണിയ്ക്ക് വടക്കാഞ്ചേരി വ്യാപാര ഭവനിൽ നടന്ന ബി.എം.എസ് വടക്കാഞ്ചേരി മേഖല പ്രതിനിധി സമ്മേളനം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. ബി.എം.എസ് മേഖല പ്രസിഡന്റ്‌ കെ. എം. റെജി അദ്ധ്യക്ഷത വഹിച്ചു. ബി.എം.എസ് സംസ്ഥാന സമിതി അംഗം കെ. എൻ. വിജയൻ, ബി.എം.എസ് തൃശ്ശൂർ ജില്ലാ ട്രഷറര്‍ വിപിൻ മംഗലം, മേഖല സെക്രട്ടറി പി. വി. വിനോദ്, ഭാരവാഹികളായ എ. ആർ. ഭരതൻ, എം. ജയപ്രകാശ്, എ. സി. കണ്ണൻ,  പി. കെ. രാധാകൃഷ്ണൻ, പി. എൽ. സുന്ദരഗണേശൻ, എം. കെ. സോമൻ, ജാസ്മിൻ റെജി എന്നിവർ പങ്കെടുത്തു സംസാരിച്ചു. ഓട്ടുപാറ ബസ് സ്റ്റാൻഡിൽ നിന്ന് ആരംഭിച്ച  തൊഴിലാളി പ്രകടനത്തിൽ 100കണക്കിന് പ്രവർത്തകർ പങ്കെടുത്തു. പ്രകടനത്തിനു വിദ്യാസാഗർ, ടി. എസ്. മനോജ്‌, വി. സി. ഷാജി, ടി. എൻ. വിജയൻ, എ. ബാബു എന്നിവർ നേതൃത്വം നൽകി. പുതിയ ഭാരവാഹികളെ യോഗം തിരഞ്ഞെടുത്തു. പ്രസിഡന്റ്‌- പി. വി. വിനോദ്, വൈസ് പ്രസിഡന്റുമാർ - കെ. എം. റെജി,

എ. ആർ. ഭരതൻ,

പി. കെ. രാധാകൃഷ്ണൻ,

രമ്യ കണ്ണൻ, സെക്രട്ടറി -  എ. സി. കണ്ണൻ, ജോയിന്റ് സെക്രട്ടറിമാർ - എം. ജയപ്രകാശ്, കെ. എം. ചന്ദ്രശേഖരൻ, എം. കെ. ശ്രീനിവാസൻ, പി. ശ്രീലക്ഷ്മി, ട്രഷറര്‍- പി. എൽ. സുന്ദരഗണേശൻ.