🌏 2026-27 സംസ്ഥാന ബജറ്റിൽ വടക്കാഞ്ചേരി മണ്ഡലത്തിന് 94.62 കോടി രൂപ അനുവദിച്ചു. : സേവ്യർ ചിറ്റിലപ്പിള്ളി എം. എൽ. എ 🌏

🔴*മണ്ഡലത്തിലെ 12 പദ്ധതികൾക്കായി 12 കോടി രൂപ അനുവദിച്ചു*

🔴*ഗവ. മെഡിക്കൽ കോളേജിന് 17.62 കോടി രൂപ*

🔴*ഗവ. ഡെൻ്റൽ കോളേജിന് 15 കോടി രൂപ*

🔴*ഗവ. നഴ്സിംഗ് കോളേജിന് 5.5 കോടി രൂപ*

🔴*ആരോഗ്യ ശാസ്ത്ര സർവ്വകലാശാലയ്ക്ക് 12 കോടി രൂപ*

🔴*കില - കേരള ഇൻസ്റ്റിറ്റ്യൂട്ട് ഓഫ് ലോക്കൽ അഡ്മിനിസ്ട്രേഷന് 32.5 കോടി രൂപ*

2026-27 സാമ്പത്തിക വർഷത്തെ സംസ്ഥാന ബജറ്റിൽ വടക്കാഞ്ചേരി മണ്ഡലത്തിന് 94.62 കോടി രൂപ അനുവദിച്ചതായി സേവ്യർ ചിറ്റിലപ്പിള്ളി എംഎൽഎ അറിയിച്ചു.

മണ്ഡലത്തിലെ 12 പദ്ധതികൾക്ക് 12 കോടി രൂപ അനുവദിച്ചു. മുണ്ടൂർ കുടുംബാരോഗ്യ കേന്ദ്രം (1.5 കോടി രൂപ), വരടിയം സൗത്ത് കൂവപ്പാ വഴിയോര വിശ്രമ കേന്ദ്രം (1 കോടി രൂപ), കുറൂർ പാറ - 51 തറ കെ.എ.ല്‍.ഡി.സി. ബണ്ട് റോഡ് (1 കോടി രൂപ), തെക്കുംകര പഞ്ചായത്ത് പത്താഴക്കുണ്ട് വട്ടായി കുടിവെള്ള പദ്ധതി വിപുലീകരണം (1 കോടി രൂപ), ഓട്ടുപാറ ചില്‍ഡ്രന്‍സ് പാര്‍ക്കും ഓപ്പണ്‍ ഓഡിറ്റോറിയവും (1 കോടി രൂപ), വടക്കാഞ്ചേരി ആയുർവേദ വിഷവൈദ്യ ആശുപത്രി രണ്ടാം ഘട്ടം (1.5 കോടി രൂപ), തെക്കുംകര ഗ്രാമപഞ്ചായത്ത് സംസ്കാരിക നിലയം, മലാക്ക - രണ്ടാം ഘട്ടം (1 കോടി രൂപ), അമല നഗർ വനിത അമിനിറ്റി സെന്റർ—രണ്ടാം ഘട്ടം (1 കോടി രൂപ), ബ്ലോക്ക് കുടുംബാരോഗ്യ കേന്ദ്രം തോളൂർ - രണ്ടാം ഘട്ടം (50 ലക്ഷം രൂപ), മുണ്ടത്തിക്കോട് കുടുംബാരോഗ്യ കേന്ദ്രം - രണ്ടാം ഘട്ടം (75 ലക്ഷം രൂപ), അടാട്ട് കുടുംബാരോഗ്യ കേന്ദ്രം—രണ്ടാം ഘട്ടം (40 ലക്ഷം രൂപ), അവണൂര്‍ - വരടിയം റോഡ്‌ ബി.എം&ബി.സി (1.35 കോടി രൂപ) തുടങ്ങിയ പദ്ധതികൾക്കാണ് ബജറ്റിൽ തുക അനുവദിച്ചത്.

മണ്ഡലത്തിലെ 123.25 കോടി രൂപയുടെ പദ്ധതികൾ കൂടി ബജറ്റിൽ ഉൾപ്പെടുത്തിയിട്ടുണ്ട്. കോഞ്ചേരി റോഡ്‌, അവണൂര്‍ റോഡ്‌ ബി.സി ഓവര്‍ലേയിംഗ്, പത്താംകല്ല്—മംഗലം—കല്ലംപാറ-തച്ചംകുഴി റോഡ്‌ ബി.എം.&ബി.സി, വാഴാനി കൺവെൻഷൻ സെന്റർ—രണ്ടാം ഘട്ടം, വാഴാനി റോഡ്‌ ബി.സി. ഓവര്‍ലേയിംഗ്, അമല—പാവറട്ടി റോഡ്‌ ബി.സി ഓവര്‍ലേയിംഗ്, കുറ്റൂര്‍ പൂങ്കുന്നം മെഡിക്കല്‍ കോളേജ് റോഡില്‍ കുന്നത്തുപീടിക മുതല്‍ ചൈന ബസാര്‍ വരെ ബി.എം.&ബി.സി, വേലൂര്‍ ചുങ്കം തയ്യൂര്‍ കോട്ടപ്പുറം കുമ്പളങ്ങാട് റോഡില്‍ കോട്ടപ്പുറം മുതല്‍ കുമ്പളങ്ങാട് വരെ ബി.എം.&ബി.സി, പത്താഴക്കുണ്ട് ചീപ്പ് ചിറ, പോന്നോര്‍ - എടക്കളത്തൂര്‍ - ആളൂര്‍ റോഡ് ബി.എം.&ബി.സി, പാമ്പൂര്‍ - പടിഞ്ഞാറ്റുമുറി റോഡ്‌, കോലഴി എക്സൈസ് റേയ്ഞ്ച് ഓഫീസ്, തൃശ്ശൂര്‍ മെഡിക്കല്‍ കോളേജ് പോലീസ് സ്റ്റേഷന്‍ കെട്ടിടം, അവണൂര്‍-തങ്ങാലൂര്‍ റോഡ്‌ ബി.എം.&ബി.സി, വടക്കാഞ്ചേരി ജില്ലാ ആശുപത്രി ഐ.പി. ബ്ലോക്ക് ബില്‍ഡിംഗ് നിര്‍മ്മാണം –രണ്ടാം ഘട്ടം, തലപ്പിള്ളി താലൂക്ക് ഹെഡ് ക്വാര്‍ട്ടേഴ്സ്, വടക്കാഞ്ചേരി, സെമിനാരി—ചോറ്റുപാറ റോഡ്‌, സെമിനാരി—പറമ്പായ റോഡ്‌, വടക്കാഞ്ചേരി കള്‍ച്ചറല്‍ കണ്‍വെന്‍ഷന്‍ നിര്‍മ്മാണം—രണ്ടാം ഘട്ടം, വടക്കാഞ്ചേരി കോടതി സമുച്ചയം, തോളൂര്‍ ചിറ നിര്‍മ്മാണം—രണ്ടാം ഘട്ടം, അമല—പാവറട്ടി റോഡിൽ സംരക്ഷണ ഭിത്തി, കൂവപ്പാ പാലം, ഓട്ടുപാറ കുളം നവീകരണം തുടങ്ങിയ പ്രവൃത്തികളും ബജറ്റിൽ ഉൾപ്പെട്ടിട്ടുണ്ട്.

തൃശ്ശൂർ ഗവ. മെഡിക്കൽ കോളേജിന് 17.62 കോടി രൂപ അനുവദിച്ചു. ഗവ. ഡെൻ്റൽ കോളേജിന് 15 കോടി രൂപയും അനുവദിച്ചു. ഗവ. നഴ്സിംഗ് കോളേജിന് 5.50 കോടി രൂപയും, കേരള ആരോഗ്യ ശാസ്ത്ര സർവ്വകലാശാലയ്ക്ക് 12 കോടി രൂപയും അനുവദിച്ചിട്ടുണ്ട്. കില - കേരള ഇൻസ്റ്റിറ്റ്യൂട്ട് ഓഫ് ലോക്കൽ അഡ്മിനിസ്ട്രേഷൻ്റെ വികസനത്തിനായി 32.5 കോടി രൂപയാണ് ബജറ്റിൽ അനുവദിച്ചിട്ടുള്ളത്.