തദ്ദേശ തിരഞ്ഞെടുപ്പ് വോട്ടർപട്ടികയിൽ പേര് ചേർക്കാൻ ഇന്നും നാളെയും അവസാന അവസരം.
സംസ്ഥാനത്തെ തദ്ദേശ സ്വയംഭരണ സ്ഥാപനങ്ങളിലേക്കുള്ള തിരഞ്ഞെടുപ്പിന്റെ വോട്ടർപട്ടികയിൽ പേര് ചേർക്കുന്നതിനും, നിലവിലെ വിവരങ്ങൾ തിരുത്തുന്നതിനും അവസാന അവസരം നൽകി സംസ്ഥാന തിരഞ്ഞെടുപ്പ് കമ്മീഷൻ. വോട്ടർ പട്ടിക പുതുക്കുന്നതിന്റെ ഭാഗമായി നീട്ടി നൽകിയ സമയപരിധി അനുസരിച്ച് ഇന്നും നാളെയും (നവംബർ 4, 5 തിയ്യതികളിൽ) മാത്രമാണ് അപേക്ഷകൾ സമർപ്പിക്കാൻ സാധിക്കുക. 2025 ജനുവരി ഒന്നിനോ അതിനുമുമ്പോ 18 വയസ്സ് പൂർത്തിയായ ഏതൊരാൾക്കും ഈ അവസരം പ്രയോജനപ്പെടുത്തി വോട്ടർപട്ടികയിൽ പേര് ചേർക്കാൻ അർഹതയുണ്ട്. പേര് ചേർക്കൽ (ഫോം 4), തെറ്റ് തിരുത്തൽ (ഫോം 6), വാർഡ് മാറ്റം (ഫോം 7), പേര് ഒഴിവാക്കൽ (ഫോം 5) എന്നിവയുൾപ്പെടെയുള്ള എല്ലാ അപേക്ഷകളും, ആക്ഷേപങ്ങളും കമ്മീഷന്റെ ഔദ്യോഗിക വെബ്സൈറ്റ് വഴി സമർപ്പിക്കാവുന്നതാണ്. പ്രവാസി വോട്ടർമാർക്കും തദ്ദേശ വോട്ടർപട്ടികയിൽ പേര് ചേർക്കുന്നതിന് അവസരം നൽകിയിട്ടുണ്ട്. വോട്ടർപട്ടിക സംബന്ധിച്ച സേവനങ്ങൾക്കായി സ്റ്റേറ്റ് ഇലക്ഷൻ കമ്മീഷന്റെ ഔദ്യോഗിക വെബ്സൈറ്റ് ആയ www.sec.kerala.gov.in സന്ദർശിക്കുക.
.jpg)
0 അഭിപ്രായങ്ങള്‍