പുതിയ ഓഫറുകളുമായി KSRTC ട്രാവൽ കാർഡ്.

കെ.എസ്.ആർ.ടി.സി. ബസ്സിലെ യാത്രയ്ക്ക് ഉപയോഗിക്കാൻ കഴിയുന്ന ട്രാവൽ കാർഡ് പുറത്തിറക്കി.

കാർഡ് ഇല്ലെങ്കിൽ ഇന്ന് ബസ്സിൽ കയറി യാത്ര ചെയ്യുമ്പോൾ കണ്ടക്ടറോട് ചോദിക്കൂ കാർഡ് ഉണ്ടോ എന്ന്. കാർഡ് ലഭിച്ചില്ലെങ്കിൽ സ്റ്റാൻ്റിലെ എസ് എം ( SM office) ഓഫീസിൽ ചോദിക്കൂ. എല്ലാ ഡിപ്പോയിലും കാർഡ് വന്നിട്ടുണ്ട്. കാർഡ് ഉപയോഗിക്കുമ്പോൾ ശ്രദ്ധിക്കേണ്ട ചില കാര്യങ്ങൾ ഇതൊക്കെയാണ്.

1. കാർഡിൻ്റെ ചാർജ്ജ് 100 രൂപയാണ് . ഈ കാർഡ് 0 ബാലൻസിൽ ആണ് ലഭിക്കുന്നത്. ഒരു വർഷമാണ് കാർഡിന്റെ കാലാവധി

2. കാർഡ് കൃത്യമായി പ്രവർത്തിക്കുന്നുണ്ടോ എന്ന് ഉറപ്പ് വരുത്തി വാങ്ങുക.

3. കാർഡ് മറ്റുള്ളവർക്ക് കൈമാറുന്നതിൽ തടസ്സമില്ല. എന്നാൽ നഷ്ടപ്പെട്ടാൽ കാർഡിൻ്റെ ഉടമ മാത്രമാണ് ഉത്തരവാദി.

4. കാർഡ് പ്രവർത്തിക്കാതെ വന്നാൽ അടുത്തുള്ള ഡിപ്പോയിൽ പേരും, അഡ്രസ്സും, ഫോൺ നമ്പരും സഹിതം അപേക്ഷ കൊടുക്കുക, 5 ദിവസത്തിനുള്ളിൽ പുതിയ കാർഡ് ലഭിക്കും. പഴയ കാർഡിലെ തുക പുതിയ കാർഡിൽ ഉൾപ്പെടുകയും ചെയ്യും.

5. കേടുപാടുകൾ ( ഓടിയുക, പോറൽ, ചുളുങ്ങി ,പൊട്ടൽ പോലുള്ള പ്രവർത്തിക്കാത്ത അവസ്ഥ) വന്നാൽ മാറ്റി നൽകുന്നതല്ല.

6. മിനിമം റീചാർജ്ജ് തുക 50 രൂപയാണ്. 3000 രൂപ വരെ റീ ചാർജ്ജ് ചെയ്യാം. ഓഫർ ഉണ്ട്. ഒരു നിശ്ചിത കാലത്തേക്ക് മാത്രം. 1000 രൂപ ചാർജ്ജ് ചെയ്താൽ 40 രൂപ കൂടുതലും. 2000 രുപ ചാർജ്ജ് ചെയ്താൽ 100 രൂപ കൂടുതലും ക്രെഡിറ്റാകും.

കാർഡ് ഉപയോഗിച്ച് കെ.എസ്.ആർ.ടി.സി ബസിലെ യാത്ര സുഗമമാക്കുക.