തൃശൂർ ഡി.സി.സി പ്രസിഡന്റ് സ്ഥാനത്ത് നിന്നും തന്നെ മാറ്റണമെന്ന ആവശ്യവുമായി വി.കെ. ശ്രീകണ്ഠൻ എം.പി. അടുത്തമാസം തന്നെ മറ്റൊരാളെ നിയമിക്കണമെന്നാണ് ആവശ്യം. കഴിഞ്ഞ മാസവും ഇതേ ആവശ്യം നേതൃത്വത്തെ അറിയിച്ചെങ്കിലും സമയമെടുക്കും കാത്തിരിക്കാനായിരുന്നു മറുപടി.
കെ. മുരളീധരൻ തൃശൂരില് പരാജയപ്പെട്ടതോടെയാണ് ഡി.സി.സി പ്രസിഡന്റായിരുന്ന ജോസ് വള്ളൂരിനെയും യു.ഡി.എഫ് കണ്വീനർ എം.പി. വിൻസെന്റിനെയും മാറ്റിയത്. തുടർന്ന് വി.കെ. ശ്രീകണ്ഠന് ചുമതല കൈമാറുകയായിരുന്നു. മുരളീധരന്റെ തോല്വി അന്വേഷിക്കുന്ന പാർട്ടി കമ്മിഷൻ തൃശൂരിലെത്തി തെളിവെടുത്തിരുന്നു. ഈ റിപ്പോർട്ട് പഠിച്ചശേഷം ഭാവിപരിപാടികള് തീരുമാനിക്കാമെന്നായിരുന്നു പറഞ്ഞിരുന്നത്. ഇത് നീളുന്നതിനാല് ഇനിയും സ്ഥിരം ഡി.സി.സി പ്രസിഡന്റില്ലാത്തത് ദോഷമാകുമെന്നാണ് വിലയിരുത്തല്.
എൻ മീഡിയ ഇപ്പോൾ വാട്സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ👇
.jpg)
0 അഭിപ്രായങ്ങള്