വടക്കാഞ്ചേരി ഒ.ഡി.എഫ് പ്ലസ്: ശുചിത്വം നിലനിർത്താൻ പൊതുജനങ്ങളുടെ സഹകരണം അനിവാര്യമെന്ന് സെക്രട്ടറി കെ.കെ മനോജ്

വടക്കാഞ്ചേരി നഗരസഭ വെളിയിട മലമൂത്ര വിസർജ്യ മുക്ത (ഒ.ഡി.എഫ് പ്ലസ്) നഗരസഭയായി പ്രഖ്യാപിച്ചിട്ടുണ്ടെങ്കിലും, ചിലർ ഇപ്പോഴും പൊതു ഇടങ്ങളിൽ മലമൂത്ര വിസർജ്ജനം നടത്തുന്നത് ശ്രദ്ധയിൽപ്പെട്ടിട്ടുണ്ട്. നഗരസഭാ സെക്രട്ടറി കെ.കെ. മനോജ് പറയുന്നത്, ഇത്തരം പ്രവർത്തികൾ ശിക്ഷാർഹമാണെന്നും ഇത് ശ്രദ്ധയിൽപ്പെട്ടാൽ പിഴ ഈടാക്കുന്നതാണെന്നുമാണ്. നഗരസഭയിലെ ശുചിത്വ നിലവാരം നിലനിർത്തുന്നതിന് പൊതുജനങ്ങളുടെ സമ്പൂർണ്ണ സഹകരണം അനിവാര്യമാണെന്നും അദ്ദേഹം വ്യക്തമാക്കി. ഒ.ഡി.എഫ് പ്ലസ് നിലവാരം നേടിയ നഗരസഭയായിട്ടും ഇത്തരം സംഭവങ്ങൾ ഉണ്ടാകുന്നത് അതീവ ഗൗരവത്തോടെയാണ് നഗരസഭ കാണുന്നത്. നഗരസഭയുടെ ശുചിത്വ പ്രവർത്തനങ്ങൾക്ക് ജനങ്ങളുടെ പൂർണ പിന്തുണ ലഭിക്കണം എന്നാണ് നഗരസഭയുടെ പ്രതീക്ഷയെന്നും അധികൃതർ വ്യക്തമാക്കി.

എൻ മീഡിയ ഇപ്പോൾ വാട്സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ👇

https://chat.whatsapp.com/FX16iijLtA9FHNfxI9dYhG