'ആചാരം ഭീഷണിയൊന്നും വേണ്ട': മരട് ക്ഷേത്രസമിതിക്ക് വീണ്ടും തിരിച്ചടി, വെടിക്കെട്ട് അനുവദിക്കാനാവില്ലെന്ന് ഹൈക്കോടതി ഡിവിഷന്‍ ബെഞ്ച്; ഒരു നിരീക്ഷണവും നടത്തുന്നില്ലെന്ന് ചീഫ് ജസ്റ്റിസ്
ആചാര കാര്യത്തില്‍ വ്യക്തത വേണമെങ്കില്‍ സിംഗിള്‍ ബെഞ്ചിനെ സമീപിക്കാമെന്നാണ് അറിയിച്ചത്.ചീഫ് ജസ്റ്റിസ് ആശിഷ് ജെ. ദേശായി അധ്യക്ഷനായ ഡിവിഷന്‍ ബെഞ്ചാണ് ഹര്‍ജി പരിഗണിച്ചത്. കുറഞ്ഞ അളവിലാണ് വെടിമരുന്നുകള്‍ ഉപയോഗിക്കുന്നതെന്നും ആചാരം പൂര്‍ത്തിയാക്കാന്‍ അനുവദിക്കണമെന്നുമായിരുന്നു അപ്പീലിലെ ആവശ്യം. ഇന്ന് വൈകിട്ട് വെടിക്കെട്ട് നടത്താന്‍ അനുമതി തേടിയാണ് ഭരണസമിതി രണ്ട് മാസം മുന്‍പ് ജില്ലാ കളക്ടറെ സമീപിച്ചത്. തൃപ്പൂണിത്തുറ വെടിക്കെട്ട് അപകടത്തിന്റെ പശ്ചാത്തലത്തില്‍ അനുമതി നല്‍കാനാവില്ലെന്നായിരുന്നു ജില്ലാ കളക്ടറുടെ തീരുമാനം.
വെടിക്കെട്ടിന് അനുമതി നല്‍കരുതെന്ന തഹസില്‍ദാരുടെയും സിറ്റി പൊലീസ് കമ്മിഷണറുടെയും ശുപാര്‍ശയുടെ അടിസ്ഥാനത്തിലായിരുന്നു കളക്ടറുടെ തീരുമാനം. മരട് കൊട്ടാരം ദേവീക്ഷേത്രം നിശബ്ദ മേഖലയിലാണെന്നും അനുമതി നല്‍കരുതെന്നുമായിരുന്നു സമീപവാസികളുടെ വാദം. ഭരണസമിതി സ്ഥിരം നിയമലംഘകരാണെന്നായിരുന്നു സിംഗിള്‍ ബെഞ്ചിന്റെ പരാമര്‍ശം
എൻ മീഡിയ ഇപ്പോൾ വാട്സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ👇
https://chat.whatsapp.com/FX16iijLtA9FHNfxI9dYhG
അഭിപ്രായങ്ങള്‍
ഒരു അഭിപ്രായം പോസ്റ്റ് ചെയ്യൂ