ഇരിങ്ങാലക്കുട മാപ്രാണം പള്ളി പെരുന്നാളിനിടെയുണ്ടായ സംഘർഷത്തില്‍ യൂത്ത് കോൺഗ്രസ് നേതാവിന് കുത്തേറ്റു.

ഇരിങ്ങാലക്കുട  മാപ്രാണം പള്ളി പെരുന്നാളിനിടെയുണ്ടായ സംഘർഷത്തില്‍ യൂത്ത് കോൺഗ്രസ് മണ്ഡലം പ്രസിഡന്‍റിന് കുത്തേറ്റു. ഇന്നലെ രാത്രി ആയിരുന്നു സംഭവം. മാപ്രാണം ഹോളിക്രോസ് ദേവാലയ തിരുനാളിനോടനുബന്ധിച്ച് സെന്റ് ജോൺ കപ്പേളയിൽ നിന്നുള്ള പുഷ്പ കുരിശ് എഴുന്നള്ളിപ്പിനിടെയാണ് സംഘർഷം നടന്നത്.  യൂത്ത് കോൺഗ്രസ് പൊറുത്തിശ്ശേരി മണ്ഡലം പ്രസിഡന്റ് ഷാന്റോ പള്ളിത്തറയ്ക്കാണ് കുത്തേറ്റത്. 

ബാന്റ് മേളത്തിന് മുന്നിലെ തിരക്ക് നിയന്ത്രിക്കുന്നതിനിടെയാണ് സംഘർഷം ആരംഭിച്ചത്. ആൾക്കൂട്ടത്തിനടയിൽ നടന്ന സംഘർഷത്തിൽ ആരോ ഷാന്റോയുടെ വയറിൽ കുത്തുകയായിരുന്നു. ഇയാളെ തൃശൂരിലെ സ്വകാര്യ ആശുപത്രിയിൽ പ്രവേശിപ്പിച്ചു. സംഭവത്തില്‍ പോലീസ് അന്വേഷണം ആരംഭിച്ചു.

എൻ മീഡിയ ഇപ്പോൾ വാട്സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ👇

https://chat.whatsapp.com/FX16iijLtA9FHNfxI9dYhG