വടക്കാഞ്ചേരി:മേൽപ്പാലം റോഡിൽ പാറക്കല്ലുകൾ അടർന്നുവീണ സ്ഥലവും, സമീപത്ത് മുറിച്ചിട്ട മരങ്ങൾ നീക്കം ചെയ്യാത്ത പ്രദേശവും കോൺഗ്രസ് നേതാക്കൾ സന്ദർശിച്ചു.

വടക്കാഞ്ചേരിമേൽപ്പാലത്തിലേക്കുള്ള ബൈപാസ് റോഡിലേക്കാണ് കഴിഞ്ഞ ദിവസം പാറക്കല്ലുകൾ അടർന്നുവീണത്. സമീപത്ത് മുറിച്ചിട്ട മരങ്ങൾ നീക്കം ചെയ്യാത്തതും അപകടം ക്ഷണിച്ചുവരുത്തുമെന്നും സ്ഥലം സന്ദർശിച്ച കോൺഗ്രസ് നേതാക്കൾ പറഞ്ഞു. മേൽപ്പാല നിർമ്മാണ സമയത്ത് പാറകൾ തുരന്നാണ് ബൈപാസ് റോഡ് നിർമിച്ചിട്ടുള്ളത്. റോഡിൻ്റെ 300 മീറ്ററിലാണ് അപകടഭീഷണിയുയർത്തി പാറക്കെട്ടുള്ളത്. പാറക്കെട്ടിനു മുകളിലെ മരങ്ങളും, പാറകളും മഴക്കാലത്ത് റോഡിലേക്ക് വീഴുന്നത് പതിവാണ്. കഴിഞ്ഞ ദിവസം കൂറ്റൻ കല്ലുകൾ റോഡിലേക്ക് വീണെങ്കിലും വൻ അപകടം ഒഴിവായി.

വഴിയോരക്കച്ചവടക്കാർനോക്കിനിൽക്കെയായിരുന്നു സംഭവം. അപകട ഭീഷണി ഉയർത്തുന്ന പാറകളും, മരങ്ങളും നീക്കി സുരക്ഷ ഉറപ്പാക്കണമെന്ന് കോൺഗ്രസ് നേതാക്കൾ ആവശ്യപ്പെട്ടു. മഴശക്തമായാൽ കൂടുതൽ മണ്ണും, കല്ലും റോഡിലേക്ക് ഇടിഞ്ഞു വിഴാനുള്ള സാധ്യത കൂടുതലാണെന്നും നേതാക്കൾ ആരോപിച്ചു. ഇതിനെതിരെ അധികൃതർ ഉടൻ നടപടി സ്വീകരിക്കണമെന്ന് ആവശ്യപ്പട്ട് അധികൃതർക്ക് പരാതിയും നൽകി. ബ്ലോക്ക് കോൺഗ്രസ് പ്രസിഡൻ്റ് പി ജി ജയദീപ്, നേതാക്കളായ എൻ.ആർ. സതീശൻ, വൈശാഖ് നാരായണസ്വാമി, എസ് എ എ അസാദ്, ജയൻ മംഗലം, ബുഷ്റ റഷീദ്, ജോണി ചിറ്റിലപ്പിള്ളി, കെ കെ അബുബക്കർ, കമലം ശ്രീനിവാസൻ, നബീസ നാസറാലി തുടങ്ങിയവരാണ് സ്ഥലം സന്ദർശിച്ചത്.

എൻ മീഡിയ ഇപ്പോൾ വാട്സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ👇

https://chat.whatsapp.com/FX16iijLtA9FHNfxI9dYhG