🟣 മുള്ളൂർക്കര - കണ്ണംപാറയിൽ സ്ഥാപിച്ച ഹൈമാസ്റ്റ് ലൈറ്റ് എം.എൽ.എ യു. ആർ. പ്രദീപ് ഉദ്ഘാടനം നിർവഹിച്ചു. 🟣

ഹൈമാസ്റ്റ് ലൈറ്റ് ഉദ്ഘാടനം ചെയ്തു.

 മുള്ളൂർക്കര ഗ്രാമപഞ്ചായത്ത് പതിനാറാം വാർഡ് കണ്ണംപാറയിൽ യു. ആർ പ്രദീപ് എം. എൽ. എ യുടെ പ്രാദേശിക വികസന ഫണ്ടിൽ നിന്നും അനുവദിച്ച മിനി ഹൈമാസ്റ്റ് ലൈറ്റ്  എം.എൽ.എ ഉദ്ഘാടനം നിർവഹിച്ചു.

എം. എച്ച് അബ്ദുൽസലാം അധ്യക്ഷത വഹിച്ചു. വാർഡ് മെമ്പർ സാവിത്രി രാജൻ സ്വാഗതം പറഞ്ഞു. സായാഹ്നങ്ങളിൽ നാട്ടുവർത്തമാനം പറഞ്ഞിരിക്കുന്ന ഈ പ്രദേശത്തെ കാരണവന്മാരായ അബൂബക്കർ ഹാജി ,  നാരായണൻ നായർ ,  ബാലൻ , കുമാരൻ , ഉമ്മർ , മണി , പ്രഭാകരൻ ,  മുരളീധരൻ തുടങ്ങിയവർ ആഴ്ചകൾക്കു മുമ്പേ ഹൈമാസ്റ്റ് ലൈറ്റ് മിഴി തുറക്കുമ്പോൾ കേക്കു മുറിക്കണമെന്ന ആഗ്രഹത്തോടെ ഏർപ്പാടാക്കിയ കേക്ക് എം.എൽ.എ മുറിച്ച് സന്തോഷം പങ്കുവെക്കുകയും കുട്ടികളടക്കമുള്ള നിരവധി ജനങ്ങൾ പങ്കെടുക്കുകയും ചെയ്തപ്പോൾ ചടങ്ങ് ഒരു ഉത്സവാന്തരീക്ഷ പ്രതീതി സൃഷ്ഠിച്ചു.