🟣വടക്കാഞ്ചേരി നഗരസഭ അവതരിപ്പിച്ച ബജറ്റ് ജനവിരുദ്ധമാണെന്ന് ആരോപിച്ച് ബിജെപി വടക്കാഞ്ചേരി, മുണ്ടത്തിക്കോട് ഏരിയ കമ്മിറ്റികളുടെ നേതൃത്വത്തിൽ ബജറ്റ് കീറിയെറിഞ്ഞു പ്രതിഷേധിച്ചു.🟣

വടക്കാഞ്ചേരി നഗരസഭ അവതരിപ്പിച്ച ബജറ്റ് ജനവിരുദ്ധമാണെന്ന് ആരോപിച്ച് ബിജെപി വടക്കാഞ്ചേരി, മുണ്ടത്തിക്കോട് ഏരിയ കമ്മിറ്റികളുടെ നേതൃത്വത്തിൽ ബജറ്റ് കീറിയെറിഞ്ഞു പ്രതിഷേധിച്ചു. ബിജെപി തൃശൂർ നോർത്ത് ജില്ല സെക്രട്ടറി നിത്യ സാഗർ പ്രതിഷേധ പരിപാടി ഉദ്ഘാടനം ചെയ്തു. 

വടക്കാഞ്ചേരിയുടെ വികസനത്തിന്‌ ആവശ്യമായ യാതൊന്നും ബജറ്റിൽ ഇല്ലെന്നും രൂക്ഷമായ കുടിവെള്ള ക്ഷാമവും തെരുവ് നായ ശല്യവും പരിഹരിക്കാനും ഓട്ടുപാറ, വടക്കാഞ്ചേരി ബസ്റ്റാന്റുകളുടെ ശോചനീയാവസ്ഥ പരിഹരിക്കാനുമുള്ള  പദ്ധതികൾ ഉൾപ്പെടുത്താതെയാണ് ബജറ്റ് അവതരിപ്പിച്ചതെന്ന് ബിജെപി കുറ്റപ്പെടുത്തി. 

വടക്കാഞ്ചേരി മണ്ഡലം പ്രസിഡന്റ്‌ രഞ്ജിത്ത് കെ. കെ. ആശംസ അറിയിച്ചു. നഗരസഭ കൗൺസിലർമാരായ കൃഷ്ണനുണ്ണി ഇ, ശ്രുതി സതീഷ്, ബിജെപി നോർത്ത് ജില്ല കമ്മിറ്റിയംഗം പി. ജി. രവീന്ദ്രൻ, മണ്ഡലം ജനറൽ സെക്രട്ടറി ബിനീഷ് കെ. ആർ, ട്രഷറർ രാമപ്രസാദ് ഇ. എം, സെക്രട്ടറി അരുൺദാസ് വി. ജി , ന്യൂനപക്ഷ മോർച്ച ജില്ല ജന. സെക്രട്ടറി വർഗീസ് ചിരിയങ്കണ്ടത്ത്, മുണ്ടത്തിക്കോട് ഏരിയ പ്രസിഡന്റ്‌ രാധാകൃഷ്ണൻ .കെ, കർഷക മോർച്ച മണ്ഡലം പ്രസിഡന്റ്‌ ഉണ്ണികൃഷ്ണ വാരിയർ, അനിൽ കുമാർ , ഗോപകുമാർ എം. സി , കൃഷ്ണകുമാർ എം. ജി , സതീഷ് ഇ. ആർ എന്നിവർ നേതൃത്വം നൽകി.