തോളൂർ ഗ്രാമ പഞ്ചായത്തിൽ ഫീഷറീസ് വകുപ്പിൻ്റെ മത്സ്യക്കുഞ്ഞ് വിതരണം പദ്ധതിയുടെ ഉദ്ഘാടനം പഞ്ചായത്ത് പ്രസിഡൻറ് ശ്രീകല കുഞ്ഞുണ്ണി നിർവ്വഹിച്ചു.

തോളൂർ ഗ്രാമ പഞ്ചായത്തിൽ ഫീഷറീസ് വകുപ്പിൻ്റെ ജനകീയ മത്സ്യകൃഷിയുടെ ഭാഗമായി പൊതുകുളങ്ങളിലേക്കുള്ള മത്സ്യകുഞ്ഞുങ്ങളുടെ വിതരണം, സ്വകാര്യ വ്യക്തികൾക്കുള്ള മത്സ്യകുഞ്ഞുങ്ങളുടെ വിതരണം  എന്ന പദ്ധതിയുടെ ഉദ്ഘാടനം പഞ്ചായത്ത് പ്രസിഡൻറ് ശ്രീകല കുഞ്ഞുണ്ണി ഉദ്ഘാടനം ചെയ്തു. വികസന സ്റ്റാൻ്റിങ്ങ് കമ്മിറ്റി ചെയർപേഴ്സൺ അധ്യക്ഷത വഹിച്ചു. 6000 ഗ്രാസ് കാർപ്പ് ഇനത്തിലുള്ള മീൻകുഞ്ഞുങ്ങളെയാണ് വിതരണം ചെയ്തത്. പഞ്ചായത്തിലെ പറപ്പൂർ പള്ളിക്കുളം , എടക്കളത്തൂർ രാമൻകുളം എന്നിവിടങ്ങളിൽ മത്സ്യകുഞ്ഞുങ്ങളെ നിക്ഷേപിച്ചു. പദ്ധതിക്ക് അപേക്ഷ നൽകിയ ഗുണഭോക്താക്കൾക്ക്  കുളത്തിൻ്റെ സ്ഥല വിസ്തീർണ്ണത്തിനുസൃതമായി മീൻ കുഞ്ഞുങ്ങളെ നൽകി. വാർഡു മെമ്പർമാരായ ഷീന തോമാസ് , കെ. ആർ സൈമൺ, ഫിഷറീസ് കോ. ഓർഡിനേറ്റർ നിഷ കെ.എസ് എന്നിവർ പങ്കെടുത്തു.