വിദേശത്ത് ഒളിവിൽ കഴിഞ്ഞിരുന്ന ബലാത്സംഗ കേസിലെ പ്രതിയെ വിയ്യൂർ പോലീസ് ചെന്നൈ എയർപോർട്ടിൽ നിന്ന് പിടികൂടി.

വിദേശത്ത് ഒളിവിൽ കഴിഞ്ഞിരുന്ന ബലാത്സംഗ കേസിലെ പ്രതിയെ വിയ്യൂർ പോലീസ് ചെന്നൈ എയർപോർട്ടിൽ നിന്ന് പിടികൂടി. 

നഗ്നഫോട്ടോകൾ സോഷ്യൽ മീഡിയയിലൂടെ  പ്രചരിപ്പിച്ചും, ഭീഷണിപെടുത്തിയുംസ്ത്രീയെ ബലാത്സംഗം ചെയ്ത കേസിലെ പ്രതി എടക്കഴിയൂർ സ്വദേശി ചേരാത്ത് വലിയകത്ത് വീട്ടിൽ 24 വയസ്സുള്ള മുഹമ്മദ് മുർഷിദിനെയാണ് വിയ്യൂർ പോലീസ് അറസ്റ്റ് ചെയ്തത്. 2024 ഏപ്രിൽ 7ാം തിയ്യതിയാണ് കേസിനാസ്പദമായ സംഭവം നടന്നത്. പ്രതി സ്ത്രീയുമായി പ്രണയത്തിലാവുകയും, പിന്നിീട് പ്രണയത്തിൽ നിന്നും പിൻമാറിയ സത്രീയുടെ അശ്ളീല ഫോട്ടോകൾ സോഷ്യൽ മീഡിയയിലൂടെ മറ്റുള്ളവർക്ക് അയച്ചുകൊടുത്ത് ഭീഷണിപ്പെടുത്തുകയും സ്ത്രീയെ  തൃശൂരിലെ ഒരു ലോഡ്ജിലേക്ക് വിളിച്ചുവരുത്തി ശാരീരിക ഉപദ്രവം ചെയ്യുകയും, പിന്നീട് ബലാത്സംഗം ചെയ്യുകയുമായിരുന്നു. ഇതിനെ തുടർന്ന് ഇരയായ സ്ത്രീ നെടുപുഴ പോലീസ് സ്റ്റേഷനിൽ പരാതിപ്പെടുകയും, പരാതിയിൽ നെടുപുഴ പോലീസ് കേസ് രജിസ്റ്റർ ചെയ്ത് അന്വേഷണം ആരംഭിക്കുകയും ചെയ്തു. അന്വേഷണത്തിൽ സംഭവം നടന്നത് വിയ്യൂർ പോലീസ് സ്റ്റേഷൻ പരിധിയിലായതിനാൽ അന്വേഷണം പിന്നീട് വിയ്യൂർ പോലീസിന് കൈമാറി. അന്വേഷണത്തിനിടയിൽ പ്രതി വിദേശത്തേക്ക് ഒളിവിൽ പോവുകയായിരുന്നു.

പിന്നീട് പ്രതിക്കെതിരെ ലുക്ക് ഔട്ട് നോട്ടീസ് പുറപ്പെടുവിച്ചു. 2025 നവംബർ 16 ന് പ്രതി വിദേശത്തു നിന്നും നാട്ടിലേക്ക് വരുന്ന വഴി ചെന്നൈ എയർപോർട്ടിൽ ഇറങ്ങിയ സമയം തമിഴ്നാട് പോലീസ് തടഞ്ഞു വെച്ച് വിയ്യൂർ പോലീസിനെ അറിയിക്കുകയായിരുന്നു. ഇൻസ്പെക്ടർ മിഥുൻ കെ. പി. യുടെ നേതൃത്വത്തിലുള്ള അന്വേഷണ സംഘത്തിൽ സബ് ഇൻസ്പെക്ടർ വിനോജ്കുമാർ, അസിസ്റ്റൻറ് സബ് ഇൻസ്പെക്ടർമാരായ എ. വി. സജീവ്, പി. കെ. ശ്രീദേവി, പ്രേകുമാർ, സിവിൽ പോലീസ് ഓഫീസർ മനോജ് എന്നിവരാണ് ഉണ്ടായിരുന്നത്.