ഗുരുവായൂർ ദേവസ്വം ഡയറി 2026 പ്രകാശനം ചെയ്തു.
2026 വർഷത്തെ ഗുരുവായൂർ ദേവസ്വം ഡയറി പുറത്തിറങ്ങി. ഇന്നലെ ഉച്ചപൂജയ്ക്ക് ശേഷം നട തുറന്നപ്പോഴായിരുന്നു പ്രകാശന ചടങ്ങ്. ക്ഷേത്ര സോപാനപ്പടിയിൽ ശ്രീഗുരുവായൂരപ്പന് ആദ്യം ഡയറി സമർപ്പിച്ചു. തുടർന്ന് ക്ഷേത്രം കിഴക്കേ ഗോപുര കവാടത്തിന് സമീപം നടന്ന ചടങ്ങിൽ ദേവസ്വം ചെയർമാൻ ഡോ. വി. കെ..വിജയൻ, ക്ഷേത്രം തന്ത്രി ബ്രഹ്മശ്രീ പി. സി. ദിനേശൻ നമ്പൂതിരിപ്പാടിനും, ജ്ഞാനപ്പാന പുരസ്കാര സ്വീകർത്താവ് കൂടിയായ കവി രാധാകൃഷ്ണൻ കാക്കശ്ശേരിക്കും നൽകി ഡയറിയുടെ പ്രകാശന കർമ്മം നിർവ്വഹിച്ചു.
ദേവസ്വം ഭരണസമിതി അംഗങ്ങളായ ബ്രഹ്മശ്രീ മല്ലിശ്ശേരി പരമേശ്വരൻ നമ്പൂതിരിപ്പാട്, സി. മനോജ്, കെ. പി. വിശ്വനാഥൻ, മനോജ് ബി. നായർ, കെ. എസ്. ബാലഗോപാൽ , അഡ്മിനിസ്ട്രേറ്റർ ഒ. ബി. അരുൺകുമാർ , ക്ഷേത്രം ഡി. എ പ്രമോദ് കളരിക്കൽ, പി.ആർ.ഒ. വിമൽ ജി. നാഥ്, പ്രസിദ്ധീകരണ വിഭാഗം അസി.മാനേജർ കെ..ജി. സുരേഷ് കുമാർ
എന്നിവർ ചടങ്ങിൽ സന്നിഹിതരായി. ഗുരുവായൂർ ക്ഷേത്ര വിശേഷങ്ങൾ, അറിയിപ്പുകൾ എന്നിവ ഉൾപ്പെടെയുള്ള വിവരങ്ങൾ സമഗ്രമായി രേഖപ്പെടുത്തിയിരിക്കുന്ന ദേവസ്വം ഡയറി ഭക്തജനങ്ങൾക്ക് ഏറെ പ്രയോജനപ്രദമാകും. കിഴക്കേ നടയിലെ ദേവസ്വം ബുക്ക്സ്റ്റാളിൽ നിന്ന് വൈകാതെ ഡയറി ഭക്തജനങ്ങൾക്ക് വാങ്ങാം. ജി.എസ്.ടി ഉൾപ്പെടെ 200 രൂപയാണ് വില.
.jpg)
0 അഭിപ്രായങ്ങള്‍