വിവാഹം കഴിഞ്ഞ് നാലാം ദിവസം സ്വർണവും പണവുമായി മുങ്ങിയ യുവതിയെ പോലീസ് പിടികൂടി.

വിവാഹം കഴിഞ്ഞ് നാലാം ദിവസം സ്വർണവും പണവുമായി മുങ്ങിയ യുവതിയെ പോലീസ് പിടികൂടി.

പാലക്കാട് ഒറ്റപ്പാലം അമ്പലവട്ടം അമ്പലപ്പള്ളിയിൽ ശാലിനിയെയാണ് ( (40 വയസ്സ് ) ചെങ്ങന്നൂർ പോലീസ് അറസ്റ്റ്  ചെയ്തത്. ചെറിയനാട്ട് സ്വദേശിയായ യുവാവ് നൽകിയ പരാതിയിലായിരുന്നു അറസ്റ്റ്. അരൂരിൽ വാടക വീട്ടിൽ വൈക്കം സ്വദേശിയുമായി താമസിച്ചു വരികെയാണ് യുവതി പിടിയിലായത്.

ജനുവരി 20 നാണ് പരാതിക്കാരനായ യുവാവിന്റേയും ശാലിനിയുടെയും വിവാഹം നടന്നത്. മൂന്നു ദിവസം ചെറിയനാട്ടെ ഭർതൃവീട്ടിലായിരുന്നു ഇവരുടെ താമസം. ശേഷം ശാലിനി മഹാരാഷ്ട്രയിലെ പുനെയിൽ താൻ ജോലി ചെയ്യുന്ന സ്ഥലത്തേക്ക് പോകേണ്ടതുണ്ടെന്ന് പറഞ്ഞ് വീട്ടിൽ നിന്നും പോയി. സ്വർണ്ണാഭരണങ്ങളും പണവുമായാണ് യുവതി സ്ഥലം വിട്ടത്. പിന്നീട് ഭർത്താവും വീട്ടുകാരും ഫോണിൽ ബന്ധപ്പെടാൻ ശ്രമിച്ചെങ്കിലും ഇത് സ്വിച്ച് ഓഫ് ചെയ്ത നിലയിലായിരുന്നു. ഇതോടെ വീട്ടുകാർക്ക് സംശയം തോന്നി അന്വേഷണം ആരംഭിച്ചു. ഭർതൃ സഹോദരി യുവതിയുടെ ചിത്രം യൂട്യൂബിൽ കണ്ടുപിടിച്ചതോടെയാണ് തട്ടിപ്പ് വിവരം പുറത്ത് വരുന്നത്. 

ഇതിന് മുമ്പ് 2011-ൽ സമാനമായ തട്ടിപ്പുകേസിൽ ശാലിനിക്കെതിരെ ചെങ്ങന്നൂർ പോലീസ് സ്റ്റേഷനിൽ കേസ് രജിസ്റ്റർ ചെയ്തിരുന്നു. വിവിധ പോലീസ് സ്റ്റേഷനുകളിലായി സമാനമായ നിരവധി കേസുകളിൽ ഇവർക്കെതിരെ അന്വേഷണം നടക്കുന്നുണ്ട്. തുടർന്ന് നടന്ന അന്വേഷണത്തിൽ ശാലിനി അരൂരിൽ വാടക വീട്ടിൽ വൈക്കം സ്വദേശിയുമായി താമസിക്കുന്നുവെന്ന് വിവരം ലഭിച്ചു. ഇവിടെ നടത്തിയ പരിശോധനയിലാണ് ഇവർ പിടിയിലായത്. പ്രതിയെ ചെങ്ങന്നൂർ ജുഡീഷ്യൽ ഒന്നാം ക്ലാസ് മജിസ്ട്രേട്ട് കോടതിയിൽ ഹാജരാക്കി.

👁️‍🗨️ എൻ മീഡിയ ഇപ്പോൾ ഫേസ്ബുക്കിലും, യുട്യൂബിലും, വാട്സ്ആപ്പിലും, ഇൻസ്റ്റഗ്രാമിലും ലഭ്യമാണ്. 🌐 വാർത്തകൾ ഓൺലൈനായി_വേഗത്തിൽ നിങ്ങളിലേക്ക്...... ↪️ ഫേസ്ബുക്ക് ലിങ്ക് https://www.facebook.com/share/16JALkahAd/ ↪️ യുട്യൂബ് ലിങ്ക് https://youtube.com/@nonlinemedia ↪️ വാട്ട്സാപ്പ് ലിങ്ക് https://chat.whatsapp.com/FX16iijLtA9FHNfxI9dYhG ↪️ ഇൻസ്റ്റഗ്രാം ലിങ്ക് https://www.instagram.com/n.online.media/profilecard/?igsh=bGpramlnNDVreTB5