സ്വാമ്യാര് അയ്യപ്പൻ... ഓട്ടുപാറക്കാരുടെ പഴയ ഓർമ്മകളിലേക്ക് ഒരു തിരിച്ചു പോക്ക്..പ്രശസ്ത ചിത്രകാരൻ ഷംസുവിസ്മയയാണ് ഓർമ്മകളുടെ ജാലകം തുറന്നത്

ഓട്ടുപാറ : പക്ഷിമൃഗാദികൾക്ക് തീറ്റകൊടുക്കുന്ന അയ്യപ്പന്റെ ദൃശ്യം ഒരു കാലഘട്ടത്തിലെ ഓട്ടുപാറക്കാരുടെ നിത്യ കാഴ്ച്ചയായിരുന്നു..ആ കാലത്തിന് അത്ര പഴക്കമൊന്നുമില്ല

പക്ഷേ ഇന്നത്തെ "New ജന്ന്" ഈ കാഴ്ച്ച അത്ര പരിചിതമല്ലായിരിക്കാം. ഓട്ടുപാറ മൂന്നും കൂടിയ വഴിയുടെ നടുവിൽ നിന്നു കൊണ്ട് അയ്യലം കുന്നത്ത് അയ്യപ്പസ്വാമി വാതോരാതെ പറയുമ്പോൾ ഒരു കാറോ .. ഒരു ബസ്സോ . അദ്ദേഹത്തെ മാറ്റിനിർത്തി ഓട്ടുപാറയിലൂടെ പോയിട്ടില്ല.. റോഡിന് ഇന്നത്തെ അത്ര വീതിയില്ലാതിരുന്നിട്ടുകൂടി. ഇങ്ങിനെ ഒരു കാലവും കാഴ്ച്ചയും ഓട്ടുപാറക്ക് ഉണ്ടായിരുന്നത് എന്റെ മനസ്സിന്റെക്യാൻവാസിൽ വരച്ചിട്ട മഹാ കാഴ്ച്ചയാണ്. ഞാൻ ഈ വിഷ്വൽ എ. ഐ. യു മായി പങ്കു വെച്ച് വരച്ചു കിട്ടിയതാണ്, പൂർണ്ണമായും ആ രൂപം കിട്ടിയിട്ടില്ല.ആ രൂപം ഉൾക്കൊള്ളാൻ Alക്ക് ആയിട്ടില്ല എന്നതാണ് വാസ്തവം .അയ്യലം കുന്നത്തെ അയ്യപ്പന്റെ ഭാവങ്ങൾ അത്ര ഏറേ പകിട്ടുള്ളത് തന്നെയാണ്.ഈ ഓർമ്മചിത്രത്തിന് കഥകൾ ഓരോരുത്തർക്കും പലതാണ്..

ആ ഓർമ്മകൾ കൂടി പങ്കുവെയ്ക്കുമല്ലോ എന്ന് കൂടി കുറിച്ചു കൊണ്ടാണ് പ്രശസ്ത ചിത്രകാരനായ ഷംസുവിസ്മയ അയ്യപ്പൻറെ ഓർമ്മകൾക്ക് വിരാമമിട്ടത്