ഹയർ സെക്കൻഡറി നാഷണൽ സർവീസ് സ്കീം നടപ്പാക്കുന്ന സമൃദ്ധി പദ്ധതിക്ക് തൃശൂർ ജില്ലയിൽ തുടക്കമായി.

വടക്കാഞ്ചേരി: ഹയർ സെക്കൻഡറി നാഷണൽ സർവീസ് സ്കീം നടപ്പാക്കുന്ന സമൃദ്ധി പദ്ധതിക്ക് തൃശൂർ ജില്ലയിൽ തുടക്കമായി. പരിസ്ഥിതി ദിന പ്രമേയമായ ഭൂമി പുനരുദ്ധാരണം ,വരൾച്ച പ്രതിരോധം, മരുഭൂവൽക്കരണം എന്നിവ ഉൾപ്പെട്ട ക്യാമ്പയിനാണ് നടപ്പാക്കുക .പ്രാദേശിക ഫലങ്ങളായ ചക്ക, മാങ്ങ,പേരക്ക സപ്പോട്ട, ചാമ്പ ,ആഞ്ഞിലി തുടങ്ങിയവയുടെ ഉപയോഗം പ്രോത്സാഹിപ്പിക്കുന്നതാണ് പദ്ധതി . വളണ്ടിയർമാർക്ക് വിത്ത് ശേഖരിക്കാനും ശാസ്ത്രീയമായി വിത്തു മുളപ്പിക്കാനും കർഷകരുടെ സഹായത്തോടെ പരിശീലനം നൽകും. 

ഓരോ വളണ്ടിയറും 10 തൈകൾ വീതം പദ്ധതിയുടെ ഭാഗമായി തയ്യാറാക്കും .പദ്ധതിയുടെ ഭാഗമായി ജില്ലയിലെ 117 യൂണിറ്റിലെ വളണ്ടിയർമാർ 58000 തൈകൾ തയ്യാറാക്കി നട്ടുവളർത്തും. പദ്ധതിയുടെ ജില്ലാതല ഉദ്ഘാടനം ശാന്ത ഹയർ സെക്കൻ്ററി സ്കൂൾ അവണൂരിൽ വൃക്ഷത്തൈനട്ട് സേവ്യർ ചിറ്റിലപ്പിള്ളി എംഎൽഎ നിർവഹിച്ചു .ഹയർ സെക്കന്ററി എൻഎസ്എസ് ജില്ലാ കൺവീനർ എം വി പ്രതീഷ് മുഖ്യ അതിഥിയായി .അവണൂർ ഗ്രാമപഞ്ചായത്ത് പ്രസിഡൻ്റ് തങ്കമണി ശങ്കുണ്ണി അധ്യക്ഷത വഹിച്ചു. ഹരിതകേരളം മിഷൻ കോർഡിനേറ്റർ എസ് ദിദിക പദ്ധതി വിശദീകരണം നടത്തി. സ്കൂൾ പ്രിൻസിപ്പൽ പി സുപ്രിയ പ്രോഗ്രാം ഓഫീസർ പ്രസീദ പ്രേംനാഥ് സംസാരിച്ചു.

എൻ മീഡിയ ഇപ്പോൾ വാട്സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ👇

https://chat.whatsapp.com/FX16iijLtA9FHNfxI9dYhG