'വ്യാപാരി മിത്ര ട്രസ്റ്റ്' മരണാനന്തര സഹായം നൽകുന്നു.

N MEDIA - ONLINE - ജൂൺ 13, 2024

വടക്കാഞ്ചേരി: സംസ്ഥാന വ്യാപാരി വ്യവസായി സമിതി തൃശ്ശൂർ ജില്ലാ കമ്മിറ്റിക്ക് കീഴിൽ പ്രവർത്തിക്കുന്ന വ്യാപാരി മിത്ര ട്രസ്റ്റിൽ അംഗങ്ങളായവർ മരണപ്പെട്ടാൽ സഹായധനമായി 5 ലക്ഷം രൂപ നൽകുന്നു. 2023ൽ ആരംഭിച്ച ഈ ട്രസ്റ്റ് ഇതുവരെ മരണപ്പെട്ട 15 വ്യാപാരികളുടെ കുടുംബത്തിന് സഹായധനമായി 75 ലക്ഷം രൂപ നൽകിയിട്ടുണ്ടെന്ന് ട്രസ്റ്റ് ഭാരവാഹികൾ അറിയിച്ചു.

അത്താണി യൂണിറ്റിലെ മെമ്പർ ആയിരുന്ന എൻ.ടി ഗോപിയുടെ കുടുംബത്തിന് ജൂൺ 15ന് ശനിയാഴ്ച അത്താണി പി.എസ്.സി ബാങ്ക് ഹാളിൽ വച്ച് സമിതിയുടെ ജില്ലാ സെക്രട്ടറി മിൽട്ടൺ ജെ. തലക്കോട്ടൂർ 5 ലക്ഷം രൂപ കൈമാറും. ചടങ്ങിൽ വച്ച് അത്താണി യൂണിറ്റിലെ മെമ്പർമാരുടെ പത്താം ക്ലാസിലും പ്ലസ്ടുവിലും വിജയികളായ മക്കളെ അനുമോദിക്കുകയും ചെയ്യുമെന്ന് വാർത്താസമ്മേളനത്തിൽ പങ്കെടുത്തു കൊണ്ട് ജില്ലാ ജോ: സെക്രട്ടറി ബിന്ദു സജി, അത്താണി യൂണിറ്റ് പ്രസിഡണ്ട് എം.എം. മോഹൻ, യൂണിറ്റ് സെക്രട്ടറി ബൈജു എന്നിവർ അറിയിച്ചു.

വീഡിയോ 👇