.jpg)
ചില ബസ് ഡ്രൈവര്മാര് അതിരാവിലെ തന്നെ ലഹരിവസ്തുക്കള് ഉപയോഗിച്ച് ബസ് ഓടിക്കുന്നുണ്ടെന്നുള്ള വിവരം ലഭിച്ചതിനെ തുടര്ന്നാണ് തൃശൂര് സിറ്റി പോലീസ് കമ്മീഷണര് അജിത് അങ്കിത് അശോകന്റെ നിര്ദ്ദേശപ്രകാരം തൃശൂര് സിറ്റി അസിസ്റ്റന്റ് പൊലീസ് കമ്മീഷണര് കെ സുദര്ശന്റെ നേതൃത്വത്തില് പരിശോധന നടത്തിയത്. തൃശൂര് ടൗണ് ഈസ്റ്റ് ഇന്സ്പെക്ടര് സുജിത്ത് എ., തൃശൂര് ടൗണ്വെസ്റ്റ് ഇന്സ്പെക്ടര് ഷിജു എബ്രഹാം ടി, നെടുപുഴ ഇന്സ്പെക്ടര് ഗോപകുമാര് , കൺട്രോൾ റൂം ഇന്സ്പെക്ടര് ബിജു എന്നിവരും മറ്റു പോലീസ് ഉദ്യോഗസ്ഥരും പരിശോധനയില് പങ്കെടുത്തു.
രാവിലെ ആറു മുതല് എട്ട് വരെ നടത്തിയ വാഹന പരിശോധനയില് 200 ഓളം ബസുകള് പരിശോധിച്ചു. കണ്ടക്ടര് ലൈസന്സില്ലാത്ത 23 പേര്ക്കെതിരെയും യൂണിഫോം ധരിക്കാത്ത 11 പേര്ക്കെതിരെയും നടപടിയെടുത്തു. നിയമലംഘനം നടത്തുന്ന ബസുകളെയും ഡ്രൈവര്മാരെയും കണ്ടെത്തുന്നതിന് വരും ദിവസങ്ങളും കര്ശനമായ വാഹന പരിശോധന നടത്തുമെന്നും ഇപ്രകാരം നിയമലംഘനം നടത്തുന്നവര്ക്കെതിരെ ശക്തമായ നിയമനടപടികള് സ്വീകരിക്കുമെന്നും തൃശൂര് സിറ്റി പോലീസ് കമ്മീഷണര് അങ്കിത് അശോകന് അറിയിച്ചു.
എൻ മീഡിയ ഇപ്പോൾ വാട്സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ👇
https://chat.whatsapp.com/FX16iijLtA9FHNfxI9dYhG
.jpg)
0 അഭിപ്രായങ്ങള്