🟣 കേരള വ്യാപാരി വ്യവസായി ഏകോപന സമിതി മുള്ളൂർക്കര യൂണിറ്റിന്റെ 54-ാമത് വാർഷിക പൊതുയോഗവും, ഭദ്രം കുടുംബ സുരക്ഷ പദ്ധതി ധനസഹായത്തിന്റെയും, ബിൽഡിംഗ് രൂപരേഖയുടെയും സോവനീർ പ്രകാശനവും നടന്നു.🟣

കേരള വ്യാപാരി വ്യവസായി ഏകോപന സമിതി മുള്ളൂർക്കര യൂണിറ്റിന്റെ 54-ാമത് വാർഷിക പൊതുയോഗവും, ഭദ്രം കുടുംബ സുരക്ഷ പദ്ധതിയിൽ മരണപ്പെട്ട വ്യാപാരിക്ക് നൽകുന്ന ധനസഹായത്തിന്റെയും ,പുതുതായി വാങ്ങിയ സ്ഥലത്ത് നിർമിക്കുന്ന ബിൽഡിംഗ് രൂപരേഖയുടെയും സോവനീർ പ്രകാശനവും നടന്നു.

മുള്ളൂർക്കര കൽപക ഓഡിറ്റോറിയത്തിൽ നടന്ന ചടങ്ങ് തൃശൂർ ജില്ലാ പ്രസിഡൻ്റ് കെ. വി. അബ്ദുൽ ഹമീദ് ഉദ്ഘാടനം ചെയ്തു. യൂണിറ്റ് പ്രസിഡൻ്റ കെ. എം. മുഹമ്മദ് അധ്യക്ഷത വഹിച്ചു. ചേലക്കര നിയോജകമണ്ഡലം ചെയർമാൻ പി. നാരായണൻകുട്ടി മുഖ്യപ്രഭാഷണം നടത്തി.

ഗ്രാമപഞ്ചായത്ത് അംഗങ്ങളായ കെ. നാരായണൻകുട്ടി, ഉഷാകുമാരി എന്നിവർ വിശിഷ്ടാതിഥികളായി.

യൂണിറ്റ് സെക്രട്ടറി സി. എസ്. നൗഫൽ വാർഷിക റിപ്പോർട്ടും, ട്രഷറർ കെ. എം. പ്രേമൻ വരവ് ചിലവ് കണക്കും അവതരിപ്പിച്ചു. 

യൂത്ത് വിംഗ് പ്രസിഡന്റ് മുഹമ്മദ് അബ്ദുൽസലാം, വനിതാ വിംഗ് പ്രസിഡൻ്റ് ധന്യ ഷിബു, തൃശൂർ ജില്ലാ യൂത്ത് വിംഗ് ട്രഷറർ സുബൈർ വാഴാലി പാടം, പി. എസ്. രാഘവൻ, എം. കെ. ഗോപിനാഥൻ, സി. എം. ഷംസുദ്ദീൻ, സി. സി. മോഹൻദാസ് എന്നിവർ സംസാരിച്ചു. ജനറൽ സെക്രട്ടറി പി. എം. ഹംസ സ്വാഗതവും, സെക്രട്ടറി ടി. കെ. ജിനരാജൻ നന്ദിയും പറഞ്ഞു.

വ്യാപാരിയായ വി. കെ. പ്രഭാകരൻ്റെ  വിയോഗത്തെ തുടർന്ന് കുടുംബത്തിന് ഭദ്രം കുടുംബ സുരക്ഷ പദ്ധതിയിൽ നിന്നും 5,00,000 (അഞ്ച് ലക്ഷം) രൂപ ജില്ലാ പ്രസിഡൻ്റ് നൽകി.

കാരുണ്യ സ്മൃതി യൂണിറ്റിൻ്റെ 25000 രൂപ യൂണിറ്റ് പ്രസിഡണ്ട് നൽകി. പ്രസിഡൻ്റായി കെ. എം. മുഹമ്മദ്, ജനറൽ സെക്രട്ടറി പി. എം. ഹംസ, ട്രഷറർ കെ. എം. പ്രേമൻ ട്രഷററായും അടങ്ങുന്ന 25 അംഗ കമ്മിറ്റിയെ  തിരഞ്ഞെടുത്തു.