ഇന്ത്യൻ നാഷണൽ കോൺഗ്രസ് ഡിവിഷൻ 21 വടക്കാഞ്ചേരി - ഗൃഹസന്ദർശനത്തിന് തുടക്കം കുറിച്ചു.

 ഇന്ത്യൻ നാഷണൽ കോൺഗ്രസ്

ഡിവിഷൻ 21 വടക്കാഞ്ചേരി - ഗൃഹസന്ദർശനത്തിന് തുടക്കം കുറിച്ചു.

അതാത് വാർഡ് കമ്മിറ്റികളുടെ നേതൃത്വത്തിൽ നടത്തേണ്ട ഗൃഹസമ്പർക്ക പരിപാടിയുടെ വടക്കാഞ്ചേരി നഗരസഭ  ഡിവിഷൻ  21 ലെ ഗൃഹസന്ദർശന പരിപാടിയുടെ ഉദ്ഘാടനം ഡിസിസി ജനറൽ സെക്രട്ടറി ഷാഹിദ റഹ്മാൻ നിർവ്വഹിച്ചു. സീനിയർ കോൺഗ്രസ് നേതാവും ബ്ലോക്ക് വൈസ് പ്രസിഡണ്ടും, മുൻ പഞ്ചായത്ത് വൈസ് പ്രസിഡണ്ടുമായ  ടി.വി. സണ്ണിക്ക്  ജനസമ്പർക്ക നോട്ടീസും, ഓണം - നബിദിന ആശംസ കാർഡും നൽകിക്കൊണ്ടാണ് ചടങ്ങ്  നിർവ്വഹിച്ചത്. 

വാർഡ് പ്രസിഡന്റ് അനു സെബാസ്റ്റ്യൻ അധ്യക്ഷത വഹിച്ചു. ഡിസിസി ജനറൽ സെക്രട്ടറി കെ. അജിത്കുമാർ ഫണ്ട് ശേഖരണ ഉദ്ഘാടനം നിർവഹിച്ചു.  ഡിസിസി ജനറൽ സെക്രട്ടറി പി. ജെ. രാജു, ബൂത്ത് പ്രസിഡണ്ട് ജി. ഹരിദാസ്, ബ്ലോക്ക് വൈസ് പ്രസിഡണ്ടുമാരായ ബിജു ഇസ്മായിൽ, സി. ആർ. രാധാകൃഷ്ണൻ, കെഎസ്‌യു ജില്ലാ സെക്രട്ടറി അഫ്ഷൻ ഷെയ്ഖ്, ഐഎൻടിയുസി നിയോജകമണ്ഡലം വൈസ് പ്രസിഡണ്ട് കെ.എച്ച്. സിദ്ദീഖ് മിനി സണ്ണി, സ്റ്റാർ കുഞ്ഞുമുഹമ്മദ്, സുജാത, ജിഷ അനു, രാമകൃഷ്ണൻ എന്നിവർ ചടങ്ങിൽ പങ്കെടുത്തു.