കുന്നംകുളം കാണിപ്പയ്യൂരിൽ ആംബുലൻസും, കാറും കൂട്ടിയിടിച്ച് അപകടം.

 

 കാണിപ്പയ്യൂർ കുരിശുപള്ളിക്ക് സമീപമാണ് അപകടം നടന്നത്. പരിക്കേറ്റവരെ കുന്നംകുളത്തെയും, തൃശ്ശൂരിലെയും സ്വകാര്യാശുപത്രികളിൽ പ്രവേശിപ്പിച്ചു. കിന്റർ ഹോസ്പിറ്റൽസിന്റെ ആംബുലൻസാണ് അപകടത്തിൽപെട്ടത്. റോങ് സൈഡ് കയറിവന്ന കാറുമായി ആംബുലൻസ് കൂട്ടി ഇടിക്കുകയായിരുന്നു. ആംബുലൻസിലുണ്ടായിരുന്ന രോഗി 

കുഞ്ഞിരാമൻ (89), കാർ യാത്രിക കൂനംമൂച്ചി സ്വദേശി പുഷ്പ എന്നിവർ മരണപ്പെട്ടു. പുഷ്പയ്ക്കൊപ്പം കാറിലുണ്ടായിരുന്ന ഭർത്താവ് ആന്റോക്കും ഗുരുതരമായി പരിക്കേറ്റിട്ടുണ്ട്. എറണാകുളത്തെ ആശുപത്രിയിൽ വാർധക്യ സഹജമായ അസുഖങ്ങളെ തുടർന്ന് ചികിത്സയിലായിരുന്ന കുഞ്ഞിരാമനെ ഡിസ്ചാർജ് ചെയ്ത് കണ്ണൂരിലേക്ക് കൊണ്ടുപോകവേയാണ് ആംബുലൻസ് അപകടത്തിൽപെട്ടത്. സംഭവത്തെ തുടർന്ന് കാറിലെ ഡീഡൽ ടാങ്ക് തകർന്ന് ഡീസൽ റോഡിൽ പരന്നു. ആംബുലൻസിൽ നിന്ന് ഓക്‌സിജനും ചോർന്നു. ഫയർഫോഴ്സും, പോലീസും സ്ഥലത്തെത്തി ഗതാഗതം പുന:സ്ഥാപിച്ചു.

എൻ മീഡിയ ഇപ്പോൾ വാട്സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ👇

https://chat.whatsapp.com/FX16iijLtA9FHNfxI9dYhG

#MalayalamNews #MalayalamLatestNews #KeralaNews #Thrissurnews #Wadakkancherynews #Malayalamnewslive #Malayalamlivenews #Latestmalayalamnews #Breakingnews #Breakingnewskerala #Breakingnewslive

#Nonlinemedia