പാലിയേക്കരയിലെ ടോള്‍ പിരിവ് നാലാഴ്ചത്തേക്ക് തടഞ്ഞുകൊണ്ടുള്ള ഹൈക്കോടതി വിധി പൂർണമായി സ്വാഗതാർഹമാണ്. നാലാഴ്ചയ്ക്കുള്ളില്‍ ദേശീയപാത അതോറിറ്റി ഗതാഗത കുരുക്കിന് പരിഹാരം കാണണമെന്ന കോടതി നിർദേശം അടിയന്തരമായി പ്രാവർത്തികമാക്കേണ്ടതുണ്ട്. തത്കാലികമായല്ല, ശാശ്വതമായ പരിഹരമാണ് ഇവിടെയാവശ്യം.
ഈ വിഷയങ്ങൾ ചൂണ്ടിക്കാണിച്ചുകൊണ്ട് ഉപരിതല ഗതാഗത വകുപ്പ് മന്ത്രിക്ക് ഞാൻ കത്തുകൾ അയച്ചിരുന്നു. ഒപ്പം ഒന്നിലധികം തവണ വിഷയം ലോക്സഭയിൽ ഉന്നയിക്കുകയുമുണ്ടായി. എന്നാൽ അന്ന് ലഭിച്ച മറുപടികൾ തൃപ്തികരമായിരുന്നില്ല. ഒരുവശത്ത് നിർബന്ധിത ടോൾ പിരിവ് നടക്കുമ്പോൾ, മറുവശത്ത് വൻ ഗതാഗതക്കുരുക്കുണ്ടാവുന്നത് പൊതുജനങ്ങളെ ചെറുതായൊന്നുമല്ല ബുദ്ധിമുട്ടിലാക്കിയിരുന്നത്. അതിന് തെല്ലൊന്നുമല്ല ഹൈക്കോടതി വിധി ആശ്വാസമാകുന്നത്.
ജനങ്ങളുടെ തലയിൽ പാതയുടെ തകർച്ചയും ഗതാഗതക്കുരുക്കും അടിച്ചേൽപ്പിക്കുന്ന ദേശീയപാതാ അതോറിറ്റിയുടെ നിലവിലെ രീതി ഒരു കാരണവശാലും അംഗീകരിക്കാൻ കഴിയുന്നതല്ല. ഈ അവസ്ഥയുടെ പൂർണ ഉത്തരവാദികൾ ബന്ധപ്പെട്ട അധികൃതർ തന്നെയാണ്. അതുകൊണ്ടുതന്നെ ഹൈക്കോടതി ഉത്തരവ് പൂർണമായി നടപ്പിലാക്കണം. ഇനിയെങ്കിലും ശാശ്വതമായ ഒരു പരിഹാരമാണ് വിഷയത്തിൽ ആവശ്യം. അതുവരെ ടോൾ പിരിക്കാനും പാടുള്ളതല്ല. കോടതിവിധിക്ക് ആധാരമായ നിയമയുദ്ധം നയിച്ച കെപിസിസി സെക്രട്ടറി ഷാജി കോടങ്കണ്ടത്ത്, തൃശൂർ ഡിസിസി പ്രസിഡന്റ്‌ ജോസഫ് ടാജറ്റ് എന്നിവർക്ക് ഹൃദയം നിറഞ്ഞ അഭിനന്ദനങ്ങൾ.
പാലിയേക്കരയിലെ പ്രശ്‌നം മാത്രമായി ഇത് ഒതുങ്ങിപ്പോവാൻ പാടില്ല. അരൂർ, തുറവൂർ എന്നിവിടങ്ങളിലും സമാനമായ ഗതാഗതക്കുരുക്ക് ജനങ്ങൾ നേരിടുന്നുണ്ട്. എന്നാൽ അരൂരിലും കുമ്പളത്തുമൊക്കെ ടോൾ പിരിവ് സുഗമമായി നടക്കുന്നുണ്ട്. പൊതുജനങ്ങളെ വഴിയിൽ നിർത്തി അന്യായമായി ചുങ്കം പിരിക്കുന്നത് ജനാധിപത്യ വിരുദ്ധമാണ്. ഇതും ചോദ്യം ചെയ്യപ്പെടണം.
എൻ മീഡിയ ഇപ്പോൾ വാട്സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ👇
https://chat.whatsapp.com/FX16iijLtA9FHNfxI9dYhG
#MalayalamNews #MalayalamLatestNews #KeralaNews #Thrissurnews #Wadakkancherynews #Malayalamnewslive #Malayalamlivenews #Latestmalayalamnews #Breakingnews #Breakingnewskerala #Breakingnewslive
#Nonlinemedia
.jpg)
0 അഭിപ്രായങ്ങള്‍