ഇന്ന് വി എസ് അച്യുതാനന്ദന്റെ വിവാഹ വാർഷികം : ആശംസ കുറിപ്പുമായി മകൻ

മുൻ മുഖ്യമന്ത്രി വി. എസ്. അച്യുതാനന്ദന്റെ വിവാഹ വാർഷിക ദിനത്തിൽ ഫേസ്ബുക്ക് കുറിപ്പുമായി മകൻ വി. എ. അരുൺ കുമാർ.

വർഷങ്ങൾ!. ഇന്ന് അച്ഛന്റെയും, അമ്മയുടെയും വിവാഹ വാർഷികം.

പ്രതിസന്ധികൾ സമ്മാനിക്കുന്ന വേദനകൾക്കിടയിലും സ്നേഹത്തിന്റെ ഉണർത്തുകൾ, പ്രതീക്ഷകൾ...- ചിത്രം പങ്കുവെച്ചു കുറിച്ചു.

1967-ലാണ് ആലപ്പുഴ മുല്ലയ്‌ക്കൽ നരസിംഹപുരം കല്യാണമണ്ഡപത്തിൽ വെച്ച് വി. എസ്. അച്യുതാനന്ദനും, കെ. വസുമതിയും വിവാഹിതരായത്. അതേസമയം ഹൃദയാഘാതത്തെ തുടർന്ന് തിരുവനന്തപുരത്തെ എസ്‌.യു.ടി ആശുപത്രിയിൽ ചികിത്സയിലാണ് വി.എസ്. ആരോഗ്യനില അതീവ ഗുരുതരമായി തുടരുന്ന വി. എസ്. വെന്റിലേറ്റർ സഹായത്തോടെയാണ് കഴിയുന്നത്.