വടക്കാഞ്ചേരി സെന്റ് പയസ് സ്കൂളിൽ സപ്തതി ദിനാഘോഷങ്ങളുടെ ഭാഗമായി " ഗുരുവേ നമഃ, എന്ന പേരിൽ അധ്യാപക ദിനം ആഘോഷിച്ചു.

വടക്കാഞ്ചേരി : ഫൊറോന പള്ളി വികാരിയും തിരൂർ സെന്റ് തോമസ് സ്കൂൾ  മുൻ പ്രധാന അധ്യാപകനുമായ റവ.ഫാ. വർഗ്ഗീസ് തരകൻ  ഉദ്ഘാടനകർമ്മം നിർവഹിച്ചു. വിദ്യാലയത്തിലെ പൂർവവിദ്യാർത്ഥിയും  അകംപാടം സ്കൂൾ  മുൻ പ്രധാന അധ്യാപകനും ആയിരുന്ന  ഡേവിഡ് വിൻസെന്റ് മാസ്റ്റർ  ,  സെൻറ് പയസ് സ്കൂളിലെ  മുൻ  അധ്യാപിക ഷൈജ ടീച്ചർ എന്നീ വിശിഷ്ട അധ്യാപകരെ മദർ സുപ്പീരിയർ സിസ്റ്റർ അർപ്പിത  ഉപഹാരം നൽകി ആദരിച്ചു. ഡിവിഷൻ കൗൺസിലർ  ജിജി സാംസൺ ആശംസകൾ അർപ്പിച്ചു. 

റവ. സി. റോസ് ആൻ അധ്യക്ഷത വഹിച്ച ചടങ്ങിൽ വെച്ച് 1975 - 1978 ബാച്ചിലെ പൂർവ വിദ്യാർത്ഥികൾ ഗുരുദക്ഷിണയായി നൽകിയ വാട്ടർ പ്യൂരിഫയർ റവ.ഫാ. വർഗ്ഗീസ് തരകൻ  ഉദ്ഘാടനം ചെയ്തു. ഒ എസ് എ  പ്രസിഡൻറ്  ശശികുമാർ കൊടയ്ക്കാടത്ത്, സെക്രട്ടറി  ബക്കർ മച്ചാട്, കെ.ധർമരാജൻ എന്നിവർ അധ്യാപകരെ  ആദരിച്ച് സംസാരിച്ചു സെന്റ് പയസ് സ്കൂളിലെ പൂർവ വിദ്യാർത്ഥികളും പിടിഎ അംഗങ്ങളും  അധ്യാപക ദിനത്തിൽ എല്ലാ അധ്യാപകരെയും  ആദരിച്ചു. അധ്യാപകരായ ബ്ലസി  , അലീന , ശിൽപ്പ എന്നിവർ പരിപാടികൾക്ക് നേതൃത്വം നൽകി.

എൻ മീഡിയ ഇപ്പോൾ വാട്സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ👇

https://chat.whatsapp.com/FX16iijLtA9FHNfxI9dYhG


ഒരു അഭിപ്രായം പോസ്റ്റ് ചെയ്യൂ

0 അഭിപ്രായങ്ങള്‍