വടക്കാഞ്ചേരി ബോയ്സ് ഹൈസ്കൂൾ ഗ്രൗണ്ടിന്റെ അശാസ്ത്രീയമായ നിർമ്മാണത്തിനെതിരെ ടൗൺ ഡിവിഷനിലെ ജനകീയആക്ഷൻ കൗൺസിൽ ജില്ലാ ദുരന്ത അതോറിറ്റി ചെയർമാനായ ജില്ലാ കളക്ടർക്ക് പരാതി നൽകി.

വടക്കാഞ്ചേരി ബോയ്സ് ഹൈസ്കൂൾ ഗ്രൗണ്ടിന്റെ നവീകരണ പ്രവർത്തനവുമായി ബന്ധപ്പെട്ട് ഗ്രൗണ്ട് അശാസ്ത്രീയമായ രീതിയിൽ മണ്ണിട്ട് ഉയർത്തുന്നതിനെതിരെ പ്രളയബാധിത പ്രദേശമായ ഗ്രൗണ്ട് പരിസരവാസികളുടെ ആക്ഷൻ കൗൺസിൽ ജില്ലാ ദുരന്ത അതോറിറ്റി ചെയർമാനായ ജില്ലാ കളക്ടർക്ക് പരാതി നൽകി.

വടക്കാഞ്ചേരി പുഴയിലെ മണ്ണ് മാറ്റി പുഴയുടെ ഒഴുക്ക് തടസ്സപ്പെടാത്ത വിധമാക്കി പുഴയോട് ചേർന്ന് കിടക്കുന്ന ഗ്രൗണ്ടിലും പരിസരപ്രദേശങ്ങളിലും വെള്ളം കയറാത്ത വിധത്തിൽ ആക്കിയതിനു ശേഷം മാത്രം ഗ്രൗണ്ട് നവീകരണം നടത്തണമെന്നും, അശാസ്ത്രീയമായ രീതിയിൽ രണ്ടടിയോളം ഗ്രൗണ്ട് മണ്ണിട്ട് ഉയർത്തിയാൽ വടക്കാഞ്ചേരി പുഴ ഗതി മാറി ഒഴുകുകയും ഗ്രൗണ്ടിന്റെ പരിസരപ്രദേശങ്ങളിൽ ആകമാനം പ്രളയം ഉണ്ടാവുകയും ചെയ്യുന്ന സാഹചര്യത്തിൽ ഗ്രൗണ്ടിന്റെ നിലവിലുള്ള പരിതസ്ഥിതി വിലയിരുത്തി വീടുകളിൽ വെള്ളം കയറാത്ത രീതിയിൽ കൃത്യമായ ഡ്രൈനേജ് സിസ്റ്റം ഉൾപ്പെടെയുള്ള സംവിധാനങ്ങൾ ഒരുക്കി മാത്രം ഗ്രൗണ്ട് നവീകരണം നടത്തണമെന്ന് പരാതിയിൽ ആവശ്യപ്പെട്ടു. ഗ്രൗണ്ട് പരിസരത്തുള്ള അറുപതോളം കുടുംബങ്ങളിലെ അംഗങ്ങൾ ഒപ്പിട്ട പരാതിയാണ് കളക്ടർക്ക് നൽകിയത്.

വാഴാനി ഡാം യാതൊരു മുന്നറിയിപ്പുമില്ലാതെ തുറക്കുന്നതിന്റെ ഫലമായി വടക്കാഞ്ചേരി- ഓട്ടുപാറ ടൗൺ പ്രദേശങ്ങളിൽ ആയിരത്തിലധികം വീടുകളിലും 500ൽ അധികം കടകളിലും മനുഷ്യനിർമ്മിത പ്രളയം ഉണ്ടാവുകയും കോടിക്കണക്കിന് രൂപയുടെ നാശനഷ്ടങ്ങൾ ഉണ്ടാവുകയും ചെയ്യുകയുണ്ടായി. ഇറിഗേഷൻ വകുപ്പ് അധികൃതരുടെ അനാസ്ഥയാണ് ഇക്കഴിഞ്ഞ പ്രളയത്തിന് കാരണം. അതുകൊണ്ടുതന്നെ ഇറിഗേഷൻ വകുപ്പ് അധികൃതർക്കെതിരെ നടപടി ഉണ്ടാവണമെന്നും ആവശ്യപ്പെട്ടുകൊണ്ട് ജില്ലാ കളക്ടർക്ക് പരാതി നൽകി. 

വടക്കാഞ്ചേരി ടൗൺ ഡിവിഷനിലെ ബോയ്സ് ഹൈസ്കൂൾ ഗ്രൗണ്ട് പരിസരവാസികളുടെ ജനകീയ ആക്ഷൻ കൗൺസിൽ പ്രതിനിധികളും ജനപ്രതിധികളും ചേർന്നാണ് പരാതി നൽകിയത്. ഓട്ടുപാറ- വടക്കാഞ്ചേരി ടൗൺ കൗൺസിലർമാരായ P N വൈശാഖ്, സന്ധ്യ കൊടയ്ക്കാടത്ത്, നഗരസഭ പ്രതിപക്ഷ നേതാവ് K.അജിത്കുമാർ, മണ്ഡലം പ്രസിഡന്റ് ബിജു ഇസ്മായിൽ, ജനകീയ ആക്ഷൻ കൗൺസിൽ ഭാരവാഹികളായ C R രാധാകൃഷ്ണൻ, പ്രശാന്ത് പുഴങ്കര, സുരേഷ് മേലേതിൽ, G.ഹരിദാസ്, അനൂ സെബാസ്റ്റ്യൻ എന്നിവരാണ് ജില്ലാ ദുരന്ത അതോറിറ്റി ചെയർമാനായ ജില്ലാ കളക്ടർക്ക് പരാതി നൽകിയത്.

എൻ മീഡിയ ഇപ്പോൾ വാട്സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ👇

https://chat.whatsapp.com/FX16iijLtA9FHNfxI9dYhG