🌏 ദേശീയ പണിമുടക്ക് വിജയിപ്പിക്കുക: യൂണിയൻ വടക്കാഞ്ചേരി ഏരിയ സമ്മേളനം.🌏

ദേശീയ പണിമുടക്ക് വിജയിപ്പിക്കുക: യൂണിയൻ വടക്കാഞ്ചേരി ഏരിയ സമ്മേളനം.

 കേന്ദ്രസർക്കാരിന്റെ തൊഴിലാളി ദ്രോഹ നയങ്ങൾക്കെതിരായി ഫെബ്രുവരി 12ന് ആഹ്വാനം ചെയ്തിട്ടുള്ള ദേശീയ പണിമുടക്ക് വിജയിപ്പിക്കണമെന്ന് കേരള എൻജിഒ യൂണിയൻ വടക്കാഞ്ചേരി ഏരിയാ സമ്മേളനം പ്രമേയത്തിലൂടെ ആവശ്യപ്പെട്ടു.

ഏരിയ പ്രസിഡന്റ് വി. ജയകുമാർ പതാക ഉയർത്തിയതോടെ ഏരിയ സമ്മേളന നടപടികൾ ആരംഭിച്ചു. സംസ്ഥാന കമ്മിറ്റി അംഗം ഷിനു റോബർട്ട് സംഘടനാ റിപ്പോർട്ട് അവതരിപ്പിച്ച് സമ്മേളനം ഉദ്ഘാടനം ചെയ്തു. ഏരിയ സെക്രട്ടറി എം. പി. സജീഷ് കുമാർ പ്രവർത്തന റിപ്പോർട്ട് അവതരിപ്പിച്ചു. ട്രഷറർ കൃഷ്ണകുമാർ പി. എസ് വരവ് ചിലവ് കണക്ക് അവതരിപ്പിച്ചു. പുതിയ ഭാരവാഹികളായി വി. ജയകുമാർ (പ്രസിഡന്റ് ), കെ. വി. സിന്ധു, എച്ച്. ഗിരീഷ് കുമാർ (വൈസ് പ്രസിഡന്റ്മാർ), എം. പി. സജീഷ് കുമാർ (സെക്രട്ടറി),

 സനിൽ ബാബു എസ്. എൻ, സന്ദീപ് കെ. എ. ( ജോയിന്റ് സെക്രട്ടറിമാർ ), ഷിജി പി. പി. (ട്രഷറർ) എന്നിവരെ തിരഞ്ഞെടുത്തു. 24  ജില്ലാ കൗൺസിൽ അംഗങ്ങളെയും, 14 ഏരിയ കമ്മിറ്റി അംഗങ്ങളെയും മേഘ .എം കൺവീനറായി ഒമ്പതംഗ വനിത സബ് കമ്മിറ്റിയെയും സമ്മേളനം തിരഞ്ഞെടുത്തു. ഫെബ്രുവരി 12ലെ ദേശീയ പണിമുടക്ക് വിജയിപ്പിക്കുക, കേന്ദ്രസർക്കാരിന്റെ കേരളത്തോടുള്ള അവഗണന അവസാനിപ്പിക്കുക, പി എഫ് ആർ ഡി എ നിയമം പിൻവലിക്കുക ; പങ്കാളിത്ത പെൻഷൻ പദ്ധതി അവസാനിപ്പിക്കുക തുടങ്ങിയ 15 പ്രമേയങ്ങൾ സമ്മേളനം അംഗീകരിച്ചു.