വടക്കാഞ്ചേരി: കേരളത്തിലെ പാവപ്പെട്ട ജനവിഭാഗങ്ങൾക്ക് ഓണത്തിന് നൽകാനുള്ള റേഷൻ വിഹിതം നിഷേധിച്ച കേന്ദ്രസർക്കാരിൻ്റെ കേരളദ്രോഹ നടപടിക്കെതിരെ സിപിഐ ജില്ലാ കൗൺസിൽ ആഹ്വാനം ചെയ്ത ജനകീയ പ്രതിഷേധം വടക്കാഞ്ചേരി മണ്ഡലത്തിലെ വിവിധ പ്രാദേശിക കേന്ദ്രങ്ങളിൽ നടന്നു.
മുണ്ടത്തിക്കോട് അമ്പലപുരത്ത് നടന്ന പരിപാടി മണ്ഡലം സെക്രട്ടറിയേറ്റ് അംഗം എം. എ. വേലായുധൻ ഉദ്ഘാടനം ചെയ്തു.സി. ആർ. രാജേഷ്, പി. വി. പ്രകാശൻ എന്നിവർ നേതൃത്വം നൽകി.
മുളങ്കുന്നത്തുകാവ് ചോറ്റുപാറയിൽ മണ്ഡലം അസ്സിസ്റ്റൻ്റ് സെക്രട്ടറി എ. ആർ. ചന്ദ്രൻ ഉദ്ഘാടനം ചെയ്തു. എ. ആർ. റെജിരാജ് നേതൃത്വം നല്കി.
അടാട്ട് മുതുവറ സെൻ്ററിൽ മണ്ഡലം സെക്രട്ടറിയേറ്റ് അംഗം കെ. കെ. ചന്ദ്രൻ ഉദ്ഘാടനം ചെയ്തു. സി. ആർ. പോൾസൺ, പി. ആർ. സുരേഷ്ബാബു, ഉഷ ശ്രീനിവാസൻ എന്നിവർ നേതൃത്വം നല്കി.
തോളൂർ പറപ്പൂർ സെൻ്ററിൽ മണ്ഡലം കമ്മിറ്റി അംഗം ഹരിനാരായണൻ ഉദ്ഘാടനം ചെയ്തു. പ്രഭാകരൻ, സോജൻ എന്നിവർ നേതൃത്വം നൽകി.
.jpg)
0 അഭിപ്രായങ്ങള്‍